Números 9:22 - Qullan Arunaka DC

Qinayatix Arust'äwi Carpa patxan pä uru, mä phaxsi, jan ukax, mä maras sayt'kän ukapachaxa, israelitanakax sayt'apxarakïnwa, janiw juk'amp sarkxapxänti, pachpan utjnuqtapxäna. Qinayatix unxtkän ukkhasti, jupanakax sartawayapxänwa.

Aymar Bibliia 1986

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Qullan Arunaca

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Números 9:22 Jak'a apnaqawi uñst'ayäwi

Salmos 107:7

Chiqa thakhiruw jupanakarux irpxatäna, jakañ markaruw irpäna.

Salmos 143:10

Munañam lurañ yatichita, nayan Diosaxätam layku. Munasir ajayumax chiqa thakhinjamay irpitpan.

Salmos 32:8

Tatitux situwa: “Nayranakaxax jumaruw uñch'ukisktam. Nayaw yatichaskäma, nayaw amuyt'ayaskäma, nayaw sarañamäki uka thakhi uñachayaskäma.

Salmos 48:14

14 (15) “Akapï Tatit Diosasaxa” sasa. ¡Jupaw wiñay irpirisaxa!

Salmos 73:24

amtatamarjamaw irpistaxa, tukuyarusti jach'achasaw katuqitätaxa.

Salmos 77:20

21 (22) Markamarux ovej tamar uñtat irpäyätaxa, Moisesampin Aaronampin amparap tuqi.

Éxodo 39:42

Israelitanakax kunjämtix Tatitux Moisesar siskatayna ukhamarjamaw taqi kun lurapxäna,

Éxodo 40:16

Moisesax taqi kun luräna kunjämtix Tatitux jupar siskatayna ukhamarjama.

Números 1:54

Israelitanakasti kunjämtix Tatitux Moisesar siskatayna ukhamarjamaw lurapxäna.

Números 8:20

Ukatsti Moisesasa, Aaronasa, Israel marka markachirinakas phuqhapxänwa, kuntix Tatitux Moisesar levitanakxat siskatayna taqi ukanaka.

Números 9:17

Qinayax carpa patxat unxtkän ukkhasti, israelitanakax sarxarupxänwa, ukatsti kawkharutix qinayax sayt'kän ukkharuw israelitanakax utjnuqtapxäna.

Números 9:21

Yaqhip urun qinayax arumakiw qhiparäna, qhipärmanthisti uka chiqat unxtäna; ukapachasti jupanakax sarxarupxänwa. Arumäpasa, urüpasa, qinayax unxtkän ukkhaxa, jupanakax sartawayapxarakïnwa.

Hechos 1:4

Jesusax apostolunakapampïskän ukapachaw jupanakar akham iwxt'äna: —Jerusalenat janiw kawkirus sarapxätati, Awkixan arsutap phuqhasiñapkam suyapxam, nayax ukxat niy jumanakar yatiyapxsmawa.