Números 8:20 - Qullan Arunaka DC

Ukatsti Moisesasa, Aaronasa, Israel marka markachirinakas phuqhapxänwa, kuntix Tatitux Moisesar levitanakxat siskatayna taqi ukanaka.

Aymar Bibliia 1986

Moisesasa, Aaronasa take Israel marcasa phokhapjjänwa cuntejj Tatitojj Moisesaru siscatayna levitanac toketa ucanacjja.

Qullan Arunaca

Moisesasa, Aaronasa take Israel marcasa phokhapjjänwa cuntejj Tatitojj Moisesaru siscatayna levitanac toketa ucanacjja.

Números 8:20 Jak'a apnaqawi uñst'ayäwi

Éxodo 12:50

Israelitanakasti kunjämtix Tatitux Moisesampiru, Aaronampiru siskatayna ukhamarjamaw taqi lurapxäna.

Números 1:50

Jupanakarux Tatitumpi Jikisiñ Carpan luqtapxañapatakiw uchäta, taqi kunanakatix uka qullan chiqawja manqhan utjki ukanak uñjapxañapataki. Jupanakaw arust'äwi qullan carpampi, uka manqhan utjir yänakamp apapxani, ukhamarakiw jupanakax qullan chiqawjar muyuntas utjnuqtapxani.

Números 1:54

Israelitanakasti kunjämtix Tatitux Moisesar siskatayna ukhamarjamaw lurapxäna.

Números 8:19

Nayaw levitanakarux mayni israelitanak taypit ajllista, jupanaksti Aaronampiru, wawanakapampiruw katuyta, Tatitumpi Jikisiñ Carpan israelitanakan sutipxar yanapapxañapataki, ukat Tatitun pampachäwip israelitanakatak katuqapxañapataki. Ukhamat israelitanakan qullan utjäwir jan jak'achasiñapäkaniti, janirakiw kunas jupanakar kamachkaniti.”

Números 8:21

Levitanakax q'umachasipxänwa, isinakapsa t'axsurasipxänwa, Aaronasti jupanakar Tatit nayraqatan mä suma waxt'äwïkaspas ukham katuyxäna, q'umachäwi luräwi jupanakat lurasina.

Números 9:22

Qinayatix Arust'äwi Carpa patxan pä uru, mä phaxsi, jan ukax, mä maras sayt'kän ukapachaxa, israelitanakax sayt'apxarakïnwa, janiw juk'amp sarkxapxänti, pachpan utjnuqtapxäna. Qinayatix unxtkän ukkhasti, jupanakax sartawayapxänwa.

Números 9:5

jupanakasti uka phaxsina, tunka pusin uru saraqat jayp'thapiruw Sinaí wasaran uruyapxäna, kunjämtix Tatitux Moisesar siskatayna ukhamarjam sum phuqhasa.