Números 33:3 - Qullan Arunaka DC

Israelitanakax nayrïr phaxsina, tunka phisqan uru saraqataruw Ramsés uraqit mistunipxäna, Pascua uruyäwit qhipüru. Jupanakax wali ch'amaniw mistunipxäna, taqpach egipcio jaqinakan uñjkata.

Aymar Bibliia 1986

Israelitanacajj Ramsesat mistunipjjäna, tunca pheskani urunaca nayrïri phajjsit sarakquis uca marana, Pascua fiestajj amtascäna uca khepa uru. Jupanacasti wali jach'a ch'amampiw mistunipjjäna, take egipcionacan uñjcata.

Qullan Arunaca

Israelitanacajj Ramsesat mistunipjjäna, tunca pheskani urunaca nayrïri phajjsit sarakquis uca marana, Pascua fiestajj amtascäna uca khepa uru. Jupanacasti wali jach'a ch'amampiw mistunipjjäna, take egipcionacan uñjcata.

Números 33:3 Jak'a apnaqawi uñst'ayäwi

Génesis 47:11

Joseasti faraonan arsutaparjamaw phuqhäna, ukatsti awkipampiru, jilanakapampirux wali suma uraqinak Egipto uraqinkirit churäna. Jupanakasti Gosen chiqan utjnuqtapxäna, uka chiqasti jaya qhipatxa Ramsés sutimpi uñt'atäxänwa.

Salmos 105:38

Egiptonkirinakax mistxir uñjasax kusisipxänwa, jupanakax wali mulljatäpxänwa.

Éxodo 1:11

Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.

Éxodo 12:2

“Aka phaxsix jumanakatak mä suma jach'a phaxsïniwa, mara qallta phaxsïniwa.

Éxodo 12:37

Israelitanakax kayukiw Ramsés sat markata, Sucot sat markakam sarapxäna. Jupanakasti niya suxta patak waranqa chachanakänwa, warminakampiru, wawanakampir jan jakhusa.

Éxodo 13:4

Jichhürux Abib phaxsiwa, uka phaxsin mistunipxtaxa,

Éxodo 14:8

Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.

Isaías 52:12

Ukampis janiw mäki mistunipxañamäkiti, janirakiw laqas jalsunipxañamäkiti, Israelan Tatit Diosapax jumanakarux imasipkätamwa.

Miqueas 2:13

Tatituw jupanakatakix thakhi jist'arani, jupanakasti uka thakhinjam arkapxarakini, marka punku chiqaw mistuwayapxani. Tatitu reyipasti, jupanakan nayrap sararakini.

Números 33:2

Moisesax Tatitun arsutaparjamaw qillqäna, kawkha chiqattix sartawayapkäna, kawkha chiqarutix purintapkän ukawjanakan sutinakapa. Israelitanakan thakhi sarapxatapax akhamänwa: