Números 30:12 - Qullan Arunaka DC

12 (13) Ukampis chachapatix warmipan arsutap jan phuqhañap munkanixa, warmix janiw uka arsutap phuqhañapäkiti. Diosasti warmirux pampacharakiniwa.

Aymar Bibliia 1986

Ucampisa chachapatejj yatisinjja ina pampar tucuyani, ucapachajj janiw phokhañapäcjjaniti, chachapan ina pampar tucuyatap laycu. Tatitojj janiraquiw phokhañapataquejj wayt'caniti.

Qullan Arunaca

Ucampisa chachapatejj yatisinjja ina pampar tucuyani, ucapachajj janiw phokhañapäcjjaniti, chachapan ina pampar tucuyatap laycu. Tatitojj janiraquiw phokhañapataquejj wayt'caniti.

Números 30:12 Jak'a apnaqawi uñst'ayäwi

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Jeremías 44:19

Warminakasti ukxarux sapxarakïnwa: —Nanakax muxsa t'ant'anak uka Alaxpach Mamar uñtat lurasipxirïta, juparusti inciensompi, vinompi luqtasipxirïta, taqi uka luräwinakaxsti chachanakaxax sum yatipxarakïna, jichhasa lurasipkakïwa —sasa.

Números 15:25

Ukatsti sacerdotew Israel markpachatak luqta katuyani, juchat pampachäwi jikxatañataki, nayasti jupanakarux juchapat pampachäwa, jan amuyasisin pantjasipxatap layku; jupanakan uka jucha luratat waxt'apa, wilañchapa nayar luqtapxatap layku.

Números 15:28

Ukatsti sacerdotew nayan nayraqataxan uka jaqitak luqtäwi katuyani, jan amuyasis jucha luratapat pampachäwi jikxatañataki, nayasti uka jaqirux juchap pampachäwa.

Números 30:11

11 (12) ukat chachapatix warmipan arsutaparux walikiw sanixa, ukapachasti warmix lurañatak arsutaparux phuqhañapawa.

Números 30:13

13 (14) “Warmipan Diosar phuqhañatak arsutapatsti, chachapapuniw ‘walikiw’ sañapaxa, jan ukax ‘janiw’ sañapasa.

Números 30:5

5 (6) Ukampis awkipatix uka arsutap yatisin jan munkaspa ukaxa, Tatitux janiw tawaqur arsutap phuqhañapatak wayt'kaniti.

Números 30:8

8 (9) Ukampis chachapatix yatisin jan phuqhañap munkaspa ukapachasti, janiw warmipax arsutap phuqhañatak wayt'atäkaniti. Tatitux janiw phuqhañapatak wayt'kaniti.

1 Corintios 11:3

Ukampis nayax amuyt'apxañam munta, Cristow taqi chachan p'iqipaxa, chachasti warmipan p'iqipawa, kunjämtix Diosax Criston p'iqipäki ukhama.

1 Samuel 1:23

Elcaná chachapasti sänwa: —Kunjämatix jumatak wakiski ukhamay luram, wawan ñuñu t'aqañapkam qhiparam, Tatitusti arsutaparux phuqharakpan —sasa. Ukhamaw Anax qhiparäna, wawa uywasa, ñuñut t'aqañapkama.