Números 27:21 - Qullan Arunaka DC Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa. Aymar Bibliia 1986 Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa. Qullan Arunaca Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa. |
Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.
Ukhamarusa, mark apnaqirix jupanakar Tatitur luqtat manq'anakat jan manq'apxañapatakiw yatiyäna; mä sacerdoten Urim, Tumim sat qalanak tuqi kunjämänis uk yatiñapkama.
Ukhamarusa, marka apnaqirixa, jupanakarux luqtat manq'anakat jan manq'apxañapatakiw yatiyäna, mä sacerdoten uk yatxatañapkama, Urim, Tumim sat qalanak tuqi.
Ukatsti pectoral isi patxarux Urim, Tumim sat chiqa aski uñjañ qalanak uchäta, Aaronax chuymapar warkuntat apañapataki, kunapachatix Tatitun nayraqapatar uñstkani ukapacha. Ukhamwa Aaronax chuyma patapar uka chiqa aski uñjañ qalanak Tatitun nayraqatapan apapunini.
Ukxarusti pectoralampiw uskuraki, uka patxarusti Urim, Tumim uka qalanak ucharaki, uka jisk'a qalanakax Tatitun munañap yatiñatakïnwa.
Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.
Mä urusti, uka phisqa kullakanakax qullan utjäwi mantañaruw sarapxäna, Moisesampi, Eleazar sacerdotempi, markan jilïrinakapampi, taqpach israelitanakamp parlañataki. Ukat jupanakar sapxäna:
jumasti jilïr kankañamat jupar churäta, taqpach Israel markan jupar jaysañapataki.
Moisesasti Tatitun arsutaparjamaw luräna. Josué chachar irptawayasinxa, Eleazar sacerdoten nayraqataparuw irpkatäna, taqpach marka nayraqatampiru.
Ukampis Tatit Diosamaw jumanakan nayräxam sarani, juman nayräxamatsa uka markanakar t'unjarakini, uraqipan jakapxañamataki. Josué chachaw jumanakan nayraqatam sarani, jupasti Tatitux siski ukhamarjam jach'a jilïrit utt'ayatawa.
Leví ayllurusti sarakïnwa: “Diosax israelitanakampiw tuqisïna Masá chiqan jupanakar yant'arakïna, Meribá sat uma jalsu thiyana. Ukampis jupax iyawsañampiw uñjapxtam jupar jaysapxatamata, arust'äwip phuqhas sarnaqapxatamata, awkinakamaru, jilanakamaru, wawanakamar ist'añat sipana. Ukat Tatitux jumanakar Urim, Tumim katuyapxtam, jupan sacerdotenakap utt'ayapxaraktam.
Israelitanakasti gabaonita jaqinakan manq'añanakap mallt'apxäna, ukampis uk lurañatakix janiw Tatiturux jiskt'asipkänti.
Josué chachan jiwxatapatsti, israelitanakax Tatituruw jiskt'apxäna, kawkïr ayllus nayraqata cananeo jaqinakampi nuwasispa uk yatiñataki.
Israelitanakasti Betel markaruw sarapxäna, ukawjan Diosarux jiskt'asipxäna, kawkïr ayllusa Benjamín ayllunkirinakar nayraqat katuntaspa uk yatiñataki. Tatitusti Judá ayllunkiri nayraqat sarañapa yatiyäna.
Saúl reyisti sacerdotempi parlañkamax filisteonak taypin juk'ampi jan walt'añanakaw sartäna. Ukat Saúl reyix sacerdoterux sarakïna: —Jan apankamti —sasa.
Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.
Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.
ukatsti Abiatar sacerdoteruw achikt'asis säna: —Efod isi apanirapita —sasa. Abiatar sacerdotesti Davidatakix jank'akiw uka isi aparapïna,