Números 22:8 - Qullan Arunaka DC

Balaamasti jupanakar sänwa: —Jichha arumax akar qhiparapxam, nayasti Tatitun arsutaparjamaw yatiyxapxäma. Moab markankir jilïrinakasti jupampiw qhiparapxäna.

Aymar Bibliia 1986

Balaamajj jupanacarojj sänwa: —Jichha arumajj acar kheparapjjam, ucatwa nayajj sapjjäma cuntejj Diosajj luram sisquitani ucjja. Moab oraket jutir jilïrinacajj jupampiw kheparapjjäna.

Qullan Arunaca

Balaamajj jupanacarojj sänwa: —Jichha arumajj acar kheparapjjam, ucatwa nayajj sapjjäma cuntejj Diosajj luram sisquitani ucjja. Moab oraket jutir jilïrinacajj jupampiw kheparapjjäna.

Números 22:8 Jak'a apnaqawi uñst'ayäwi

1 Reyes 13:8

Ukampis profetax ukxaruw reyir säna: —Janiw nayax utamar sarkiristti, reyi utamat chikatpach churkitasma ukasa, janiw akan t'ant'a manq'käti, umsa umkarakïti;

1 Reyes 22:14

Micaías profetasti ukxaruw säna: —¡Nayax Tatit laykuw juramento lurta, kuntix Tatitux siskitani ukak arsü! —sasa.

Jeremías 12:2

Jumaw jupanakarux ayrunttaxa, jupanakasti saphintapxiwa, jilatatasinsti, achunak churapxi. Jupanakax lakampikiw juma jak'ankasipki, chuymanakapanxa jumat wali jayankapxiwa.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Números 12:6

Tatitux jupanakaruw säna: “Ist'apxam kuntix sapkäm uka arunaka: Jumanak taypin mä profetax nayan arunakax yatiyir utjki ukapachax, nayaw jupampix unañchäwinak tuqi parlta, samkanak tuqi parlarakta;

Números 22:18

Ukampis, Balaamax jupanakar sänwa: —Balac reyix qullqini, qurini phuqhantat reyi utapsa churaskitaspa ukkhas nayax janiw jupan mayitap lurkiristti. Janiw nayax Diosaxan arsutapar ch'urkhiskiristti.

Números 22:38

Balaamasti sarakïnwa: —Akaxay, nayax akanktwa. Ukampis nayax kuntix Diosax siskitani ukak arsü —sasa.

Números 22:7

Ukatsti Moab, Madián markanakan jilïrinakapax qullqi apt'ataw sarapxäna, israelitanakar ñanqhachatat churañataki, Balaam jak'ar purisasti, Balac reyin arunakap yatiyapxäna.

Números 22:9

Uka arumasti Tatitux Balaam chachar uñstasin, jupar jiskt'äna: —¿Khitinakarak jumamp chikäki uka jaqinakasti? —sasa.

Números 23:12

Balaamasti sänwa: —Tatitux nayan arsuñax munki uka arunakak saskta —sasa.

Números 23:3

Ukxarusti Balaamax Balac reyir sänwa: —Jumax wilañcha luqtat jak'an qhiparam. Nayasti Tatitun jutañap suyañaxawa, kuntix lurañaxäki uk sarakitani —sasa. Ukapachasti Balaamax mä ch'usawja pata chiqaruw saräna.

Números 24:13

“Balac reyix qullqini, qurini phuqhantat reyi utap churkitaspa ukkhas nayax janiw jupan mayitap lurkiristti. ¡Janiw nayax Tatitun arsutapar ch'urkhiskiristti! Kuntix Tatitux nayar siskitani ukakpun arsuskä” sasa.