Números 22:34 - Qullan Arunaka DC

Balaamasti Tatitun angelaparux sänwa: —Nayax juch lurta, janiw yatkäyätti juman uka chiqan thakhi jist'antaskatama. Jumatix Moab markar sarañax jan munkstaxa, jichhpachaw utaxar kuttawayxä —sasa.

Aymar Bibliia 1986

Balaamasti Tatitun angelaparojj sänwa: —Nayasti juch lurta, janiw yattcäyätti juman uca chekan thaqui jist'antascatama. Jumataquitejj jan walïcchi nayan saratajjajja, ucqhajj utajjaruw cuttjjä —sasa.

Qullan Arunaca

Balaamasti Tatitun angelaparojj sänwa: —Nayasti juch lurta, janiw yattcäyätti juman uca chekan thaqui jist'antascatama. Jumataquitejj jan walïcchi nayan saratajjajja, ucqhajj utajjaruw cuttjjä —sasa.

Números 22:34 Jak'a apnaqawi uñst'ayäwi

2 Samuel 12:13

Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

1 Crónicas 21:7

Tatitutakix taqi uka luratax janiw askïkänti, ukat Israel markarux mutuyäna.

Salmos 78:34

Diosax jupanakar mutuykäna ukapachakiw juparux thaqhapxäna, jank'akiw Diosar makhatxañatakix thaqhapxäna;

Éxodo 9:27

Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Proverbios 24:18

ukham luratamax janiw Tatitutak sumäkaniti, q'apisiñapasti jumxaruw purini.

Números 11:1

Mä urusti, israelitanakax Tatitutakiw arusipxäna, jupanakan jan walt'añanakan jikxatasipxatap layku. Tatitusti ukanak ist'asax walpun q'apisïna, ukat jupanakar mä nina apayanisax utjnuqäwin thiyanakap phichhantäna.

Números 14:40

Qhipärmanthisti willjtat sartasin, qullunak tuqiruw sarapxäna, alay qullu chiqar makhatasinsti, sapxänwa: —¡Niyaw akkhanktan! Tatitux churañatak arskistu uka chiqar sarapxañäni, jiwasax jucha luratanakas uñt'astanwa —sasa.

Números 22:12

Tatitusti Balaamarux sänwa: —Jan jupanakamp chik saramti, janirak uka markar ñanqhachamsa, uka markarusti nayaw askinakamp phuqt'ta —sasa.

Números 22:33

Asnox nayar uñjituwa, ukat kimsa kuti thakhit saranuku. Janitix ukham maysar saranukkasapänxa, nayax niyaw jumarux jiwayiriskasamäna, ukampis asnorux janiw jiwaykiriskäyätti —sasa.

1 Samuel 15:24

Ukat Saúl reyix Samuelurux säna: —Jïsa, Tatitun arunakapar jan yäqasa, juman arsutanakamar jan ist'asaw juchachasta. Soldadonakaruw axsaräyäta, ukat mayitanakapar jaysta.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.

1 Samuel 24:17

17 (18) Davidarux säna: —Chiqpachansa wali sum lurtaxa. Jumaru jan wali lurataxatsti nayarux askimpiw kutt'ayista.

1 Samuel 26:21

Ukat Saúl reyix säna: —¡David, wawaxa, nayaw juchanïtxa! ¡Mä pisi chuyman jaqjamaw sarnaqtxa, luräwixansa pantjasiraktwa! Ukampis kuttanxam, janiw jichhax kuna ñanqhsa lurkxämati, jichhüruw jumax jakañaxar jan kuna ñanqhsa lurañ munatam uñacht'ayista —sasa.