Números 18:19 - Qullan Arunaka DC

Israelitanakax nayatak yaqhachapkani taqi uka churäwinaksti, jumaruw churäma, ukhamarak jumamp chika jakkani uka yuqall wawamampiru, imill wawamampiru. Uka arsutax wiñayatak arsut kamachiwa. Jan p'akintkaya, wiñay arust'äwiwa, nayaw jumampi, juman saraqirinakamamp uka arust'äwi lurta.”

Aymar Bibliia 1986

Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”

Qullan Arunaca

Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”

Números 18:19 Jak'a apnaqawi uñst'ayäwi

2 Reyes 12:16

16 (17) Ukhamasti, jaqinakax juchanak luratat pampachatäñatak churapkän uka qullqxa, janiw Tatitun utapar apatäkänti, uka qullqinakax sacerdotenakatakïnwa.

2 Crónicas 13:5

¿Janit jumanakasti yatipkta, Israelan Tatitu Diosapana, Davidaru ukhamarak saraqirinakapar wiñayatak Israel markar reyit apnaqañapataki, jan p'akintkaya arust'äwi lurasa katuykäna uksti?

2 Crónicas 31:4

Jerusalenan jakirinakarusti sarakïnwa: Kuna churañanakatix jumanakar wakt'apktam ukanakxa, sacerdotenakaru, levitanakaru churapxam, jupanakan jakasiñapataki, ukhamat taqi chuymampi Tatitutak irnaqapxañapataki, Tatitun kamachip phuqhasa, sasa.

Éxodo 29:27

Ukxarusti suma waxt'a luqtatäki uka jaraphi yaqharuw apaqäta, ukhamarak yanapañatak luqtatäki uka lankhu chara aycha apaqarakïta, ukanakasti luqtat ovejat apaqatawa, Aaronampitaki, wawanakapampitak imatäñapawa.

Ezequiel 43:24

ukatsti ukanak nayaruw taqpach luqtitäta. Sacerdotenakaw ukarux jayumpi willikipt'apxani, ukatsti naya, Tatitur luqtasaw nakhantayapxani.

Levítico 2:13

“Taqi granonakat wakichat waxt'amarux jayuñchapunïtawa, jayux Tatitumpi suma arust'äwir mantat unañchäwïtap layku.

Levítico 21:22

Ukampisa janchipan jan k'umaräpxatapatxa, kuna suma waxt'anaktix israelitanakax apanipkani ukanakat manq'asipkaspawa,

Levítico 7:14

Taqi uka luqtäwinakatsti mä qawqha apaqt'apxäta, ukat Tatituruw mä luqtäwïkaspas ukham uñstayapxarakïta, ukasti sumankthapiñatak wilañchan wilap ch'allir sacerdotetakïniwa.

Números 18:11

“Ukatsti, israelitanakax luqtapkitan uka suma waxt'anaksti jumampitaki, jumamp jakasir yuqall wawamampitaki, imill wawamampitakiw churaraksma. Ukasti wiñayatak arsut kamachïniwa. Utamankir jaqinakat q'umachat jikxatasirix manq'askarakispawa.

Números 18:8

Tatitusti Aaronarux sänwa: “Nayar luqtat waxt'anak uñjañamatakiw katuysma. Israelitanakax qullan waxt'anak churapkitu ukanaksti, jumampiru, wawanakamampiruw churapxsma, wakt'apktam ukhamarjama; ukasti wiñayatak arsut kamachïniwa.

Números 31:29

ukanaksti Eleazar sacerdoteruw churäta, nayar luqtatäkaspas ukhama.

Números 31:41

Moisesasti Tatitun arsutaparjamaw Tatitur wakt'ki ukanak Eleazar sacerdoter katuyxäna.

Deuteronomio 12:26

Ukampisa kawkïr yänaktix Diosar luqtä sapkta ukanakxa, kawkha chiqarutix Diosax ajlliski ukaruw apapxäta,

Deuteronomio 12:6

Uka chiqan jumanakax uywa wilañchanak jupar yupaychañatak luqtapxäta, sapa tunkat maya churäwinak jupatak aparapipxäta, churäwinakam Diosar churasa, arsut phuqhañ luqtanaka, chuymamatjam luqta katuyañanaka, ukhamarak vacanakamana, ovejanakaman nayrïr qallunakap churañanaka.