Números 18:11 - Qullan Arunaka DC

“Ukatsti, israelitanakax luqtapkitan uka suma waxt'anaksti jumampitaki, jumamp jakasir yuqall wawamampitaki, imill wawamampitakiw churaraksma. Ukasti wiñayatak arsut kamachïniwa. Utamankir jaqinakat q'umachat jikxatasirix manq'askarakispawa.

Aymar Bibliia 1986

“Uqhamaraquiw jumarusa, yokall wawamarusa, imill wawamarusa churapjjaracsma, cawquïri suma ofrendanactejj israelitanacajj churapquitu ucanacjja. Acasti wiñayatac uchat leyiraquïniwa. Cawquïri jaketejj familiamata k'omachata jicjjatascchi ucajj mank'araquispawa.

Qullan Arunaca

“Uqhamaraquiw jumarusa, yokall wawamarusa, imill wawamarusa churapjjaracsma, cawquïri suma ofrendanactejj israelitanacajj churapquitu ucanacjja. Acasti wiñayatac uchat leyiraquïniwa. Cawquïri jaketejj familiamata k'omachata jicjjatascchi ucajj mank'araquispawa.

Números 18:11 Jak'a apnaqawi uñst'ayäwi

Levítico 10:14

Ukatsti jaraphi aycha, kawkïritix mä suma waxt'äwïki, ukhamarak chara aycha kawkïritix mä suma churäwïkaraki ukanaksti, jumampi, yuqalla, imill wawanakamampiw mä q'uma chiqawjan manq'apxäta, ukaw jumanakarux wakt'apxtam, kuntix israelita jaqinakax sumankthapiñataki waxt'a luqtapki taqi ukanakata.

Levítico 7:14

Taqi uka luqtäwinakatsti mä qawqha apaqt'apxäta, ukat Tatituruw mä luqtäwïkaspas ukham uñstayapxarakïta, ukasti sumankthapiñatak wilañchan wilap ch'allir sacerdotetakïniwa.

Números 18:1

Tatitux Aaronaruw säna: “Kunapachatix israelitanakax Tatitump Jikisiñ Carpar ñanqhachañatak kuna juchsa lurapkani ukkhaxa, jumampi, wawanakamampi, Leví ayllunkir mayni jilanakamampikiw jupanakan jucha luratapat pampachäwi mayipxäta; ukampis kunapachatix jumampi, wawanakamampi sacerdote kankañ phuqkasin jucha lurapxäta ukkhaxa, janiw khitis jumanakan jucha luratanakamat pampachäwi maykaniti, jan ukasti, jumanakpachaw mayisipxäta.

Números 18:10

Jumanak taypin utjir chachanakax aka waxt'anakat manq'asipkaspawa, ukanaksti pachpa qullan chiqan manq'apxañapa, uka waxt'anakan qullanätap layku.

Números 18:19

Israelitanakax nayatak yaqhachapkani taqi uka churäwinaksti, jumaruw churäma, ukhamarak jumamp chika jakkani uka yuqall wawamampiru, imill wawamampiru. Uka arsutax wiñayatak arsut kamachiwa. Jan p'akintkaya, wiñay arust'äwiwa, nayaw jumampi, juman saraqirinakamamp uka arust'äwi lurta.”

Números 18:8

Tatitusti Aaronarux sänwa: “Nayar luqtat waxt'anak uñjañamatakiw katuysma. Israelitanakax qullan waxt'anak churapkitu ukanaksti, jumampiru, wawanakamampiruw churapxsma, wakt'apktam ukhamarjama; ukasti wiñayatak arsut kamachïniwa.

Deuteronomio 18:3

“Sacerdotenakarux Tatitur luqtat vaca aychanakampita, oveja aychanakampitxa; jikhanïwja, änkha, purakäwja ukanakaw wakt'ani,