Lucas 9:43 - Qullan Arunaka DC

Uk uñjasasti taqiniw Diosan jach'a kankañapat muspharapxäna. Jesusan luratanakapat taqin muspharatäsipkipansti, jupax yatiqirinakaparuw säna:

Aymar Bibliia 1986

Takeniraquiw Diosan jach'a cancañapatjja muspharasipjjäna. Takeni Jesusan luratanacapat muspharatäsipquipansti, jupajj discipulonacaparojj sänwa:

Qullan Arunaca

Takeniraquiw Diosan jach'a cancañapatjja muspharasipjjäna. Takeni Jesusan luratanacapat muspharatäsipquipansti, jupajj discipulonacaparojj sänwa:

Lucas 9:43 Jak'a apnaqawi uñst'ayäwi

Salmos 139:14

Muspharkañ nayatak luratamat jumaruw yuspagarsma. ¡Uksti sumpun yatista!

Zacarías 8:6

Khä urun taqi ukanakax markaxankirinakat qhiparapki ukanakatakix jan amuykayäniwa; ukampis nayatakix janiw ukhamäkaniti. Naya, taqi ch'aman Tatituw arsta.

Mateo 17:22

Galilea tuqin sarnaqapkipansti, Jesusax jupanakar sänwa: —Jaqin Yuqapax juchararanakan amparapar katuyatäniwa,

Marcos 6:51

Jesusasti jupanakar jak'achasisin botxar mistüna, thayasti t'akurxarakïnwa; yatiqirinakapasti uk uñjasax wal muspharapxäna,

Lucas 18:43

Ukspachaw juykhux uñjxäna, ukatsti Diosar yupaychasaw Jesusar arkäna. Uk uñjasasti taqiniw Diosar yupaychapxäna.

Lucas 4:36

Taqiniw mulljasipxäna, ukatsti jupanakkamaw parlarasipxarakïna: —¿Kuna arunakarak akasti? ¡Aka jaqix munañan kankañampi, ch'amapampix ñanqha ajayunakar alissukirakisä! —sasa.

Lucas 5:26

Uk uñjasinsti, taqiniw muspharat uñjasipxäna, Diosaruw yupaychapxarakïna, ukatsti wali axsart'asaw sapxäna: —Jichhürux wali muspharañanakpun uñjtanxa —sasa.

Lucas 5:9

Simonampi, mayninakampisti ukataq chawlla katsupxatap laykux, wali mulljatäpxänwa.

Lucas 8:25

Ukatsti yatiqirinakaparux sarakïnwa: —¿Kawkinkis iyawsañanakamaxa? —sasa. Jupanakasti mulljataw muspharasipxäna, ukatsti maynit maynikamaw jiskt'asipxäna: —¿Khitirakïpach aka jaqisti, thayas, umas tuqinuqatax juparux jaysakirakisä? —sasa.

Lucas 9:42

Kunapachatix uka waynax Jesusan ukar niya jak'achasinkän ukapachaw ñanqha ajayux pampar liwinuküna; ukampis Jesusax uka ñanqha ajayuruw tuqinuqäna, uka waynarusti k'umaraptayxänwa, ukat awkipar katuyxarakïna.

2 Pedro 1:16

Kuna yatichäwinaktix jumanakar Jesucristo Tatitusan ch'amapxata, jutäwipxat yatichapksma ukanakax janiw jaqinakan aliq säwi arunakakïkänti, jan ukasti nanakaw nayranakaxamp Tatitun qhapaq kankañap uñjapxta.