Lucas 6:6 - Qullan Arunaka DC Qhipa sábado urunsti, Jesusax sinagogaruw mantäna ukat yatichañ qalltäna. Ukansti kupi ampar jan aytir jaqiw ukankaskäna; Aymar Bibliia 1986 Yakha samarañ urunjja Jesusajj sinagogaruw mantäna ucat yatichañ kalltäna. Ucancascaraquïnwa cupi ampar pharsut mä jakejja. Qullan Arunaca Yakha samarañ urunjja Jesusajj sinagogaruw mantäna ucat yatichañ kalltäna. Ucancascaraquïnwa cupi ampar pharsut mä jakejja. |
Jeroboam reyisti, profetan arunakap Betelankir altaratak arskatayna uka arunak ist'asax, altaratpach amparap luqtanïna, sarakïnwa: “¡Uka jaqir katuntapxam!” sasa. Ukampis kawkïr ampartix luqtankatayna uka amparax tisikiw tukuwayxäna, janiw jupax unxtaykxänti.
¡Ay, kunakïkani oveja tama ananukuri jan wali awatiritxa! ¡Walïspaw mä espadampi amparap khuchhuqañaxa, mä cuchillompi kupi nayrap k'ilsuñaxa! ¡Amparapax taqpach pharspan, nayrapasti q'ala juykhuptarakpan!”
Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa.
Jesusasti kamachi yatichirinakampiru, fariseonakampiruw jiskt'äna: —¿Wakisiti, janicha sábado urun qullañaxa? —sasa.
Jesusax Nazaret markaruw sarxäna, kawkhantix jupax jilkatayna ukaru. Sábado urunsti, saraparjamaw sinagogar mantäna, ukatsti Qillqatanak ullart'añatakiw sayt'asïna.
Ukatsti Jesusax Galileankir Cafarnaúm sat markaruw sarxäna; ukansti sábado urux jaqinakaruw yatichäna.
Mä sábado urusti, Jesusax trigo yapu taypi saraskäna. Yatiqirinakapasti uka taypi sarkasax trigo achunak k'ichirapxäna, ukatsti amparanakapampi khakhurasaw manq'apxäna.
Uka chiqansti walja usutanakaw utjäna: juykhunaka, kayu usutanaka, suchunaka; jupanakasti uman unxtañap suyasipkäna.
Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,