Lucas 6:25 - Qullan Arunaka DC

“¡Ay, kunakïpkät jichha sist'atanaka, jumanakax awtjayasipxätawa! “¡Ay, kamachapkakït jichha larusirinaka, jumanakax llakisiñatsa jachapxätawa!

Aymar Bibliia 1986

“¡Ay, camachapcaquïta jichha sist'atanaca, jumanacajj awtjayasipjjätawa! “¡Ay, camachapcaquïta jichha larusirinaca, jumanacajj jachapjjätawa!

Qullan Arunaca

“¡Ay, camachapcaquïta jichha sist'atanaca, jumanacajj awtjayasipjjätawa! “¡Ay, camachapcaquïta jichha larusirinaca, jumanacajj jachapjjätawa!

Lucas 6:25 Jak'a apnaqawi uñst'ayäwi

Salmos 49:19

19 (20) mä uruw jiwañapax purinini, janiw mayampsa qhana uñjkaniti.

Proverbios 14:13

Larusiñansa chuymax ususiwa, kusisiñas llakisiñaruw tukuyi.

Proverbios 30:9

Nayax qamirïxirista ukaxa, inas jumat armasxirisma: “¿Khitirak Diosasti?” sasa; jan kunanïrista ukasti, inas lunthatasxirista, ukhamat qullan sutim nayax p'inqachayirista.

Eclesiastés 2:2

Ukat sista: “Larusiñax luqhi kankañawa, kusist'añas janiw kunatakis askïkiti” sasa.

Eclesiastés 7:3

Larusiñat sipansa jachañaw juk'amp askixa, ajanurux janis wal lurkchini, ukampis chuymarux ask luri.

Eclesiastés 7:6

Pisi amuyt'an jaqin larusitapax kunjämatix ch'aphinakax ninan t'aqarki ukhamawa, ukasti inamayakirakiwa.

Isaías 28:7

Profetanakasa, sacerdotenakasa, vino umantasaw uksar aksar liwinaqtas sarnaqapxi. Tatitun unañchäwi arunakap katuqañatakix vinompi q'ala machjatäpxiwa, jan walt'añanak taripañatakis machantatäpxiwa.

Isaías 65:13

Ukatpï Tatitux sixa: “Luqtirinakaxax manq'añanïsipkaniwa, jumanakasti janiw manq'añanïpkätati; luqtirinakatakix umañax utjaskaniwa, jumanakasti umat pharjataw sarnaqapxäta; jupanakax kusisitäpxaniwa, jumanakasti mä p'inqa jisk'achjataw uñjasipxäta;

Isaías 8:21

Jaqisti uksa aksa sararakini, t'aqhisiyata, manq'atsa awtjataraki, manq'atjamasti wali phiñasitäpxaniwa. Reyiparusa, diosanakaparus wal ñanqhachapxani. Taqi tuqi uñtapxani,

Amós 8:10

Phunchhäwi urunakamxa jiwatanakat jachañaruw kipstayä, q'uchutanakamasti, amaya imäwi llakinakaruw tukuyarakï; llaki isimpirakiw isthapisiyapxäma, llakisiñat p'iqinakam q'ararasipxäta. Sapa yuqall wawap jiwayasir jaqir uñtataw jachapxäta, taqi kunaw jachañar tukuni.

Nahúm 1:10

K'ithuntat ch'aphinakjama, waña jichhur uñtataw nakhantatäpxäta.

Lucas 12:20

Diosasti juparux sänwa: ‘Pisi amuyt'an jaqi, jichha arumpachaw jiwxäta; kuntix imasiskta ukasti ¿khititakirakïnisti?’ sasa.

Lucas 13:28

Ukan wararipxäta, laka ch'akhanakamsa t'urusipxäta, Abrahamampi, Isaacampi, Jacobumpi, taqi profetanakamp Diosan qhapaq markapankatap uñjasina, jumanakasti anqar jaqunukutäpxätawa.

Lucas 6:24

“Ukampis ¡qamirinaka, kunakïpkäta, kusisiñanakam niyaw katuqxapxtaxa!

Lucas 6:26

“¡Ay, kunakïpkäta, kunapachatix taqinis jumanakar jach'achapkätam ukapachaxa, nayra awkinakapax uka pachparak k'ari profetanakar lurapxäna!

Lucas 8:53

Jaqisti taqiniw jupat larusipxäna jiwatapunïtap yatisina.

Efesios 5:4

Q'añu arunaksa, luqhi kañkañ arunaksa, jan yäni arunaksa janipun arsupxamti, janiw wakiskit taqi ukanakat parlañaxa, ukatsipan Diosar yuspagarapxam.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

Santiago 4:9

¡Llakthapisipxam, jachapxam, wararipxam! Larutamax jachañar kipstpan, kusisiñamasti llakisiñar kipstarakpan!

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.

1 Samuel 2:5

Khitinakantix taqi kunas jilarkir utjkänxa, jichhax mä jisk'a t'ant'a laykukiw katuyasipxi; manq'at awtjayasirinakasti janiw jichhax awtjayaskxapxiti. Jan wawachasir warmisa, jichhax paqallqu kutiw wawachasxi, walja wawachasir warmisti, jichhax janiw wawanakanïkxiti.