Lucas 17:14 - Qullan Arunaka DC

Jesusasti jupanakar uñjasin sänwa: —Sacerdotenakar uñstir sarapxam —sasa. Tatitun utapar sarkasinsti, tunkanpachaw k'umar jikxatasxapxäna.

Aymar Bibliia 1986

Jesusasti jupanacar uñjasinjja sänwa: —Sarapjjam, sacerdoter uñstanipjjam —sasa. Jupanacasti sarcasawa c'umaräjjapjjäna.

Qullan Arunaca

Jesusasti jupanacar uñjasinjja sänwa: —Sarapjjam, sacerdoter uñstanipjjam —sasa. Jupanacasti sarcasawa c'umaräjjapjjäna.

Lucas 17:14 Jak'a apnaqawi uñst'ayäwi

2 Reyes 5:14

Naamán chachasti Jordán jawirar sarasin paqallq kutiw umar mantäna, profetax siskatayna ukhamarjama, ukatsti janchipax mä wawan janchipjamaw tukuwayxäna, q'umachatäxarakïnwa.

Isaías 65:24

Janïraw jupanakax jawsapkitaniti, ukkhax niyaw nayax jupanakar jaysä; janïraw parlañsa tukuyapkaniti, ukkhax niyaw jupanakar ist'ä.

Mateo 3:15

Jesusasti ukxarux sarakïnwa: —Jichhax ukhamäpan sama, wakisiw Diosan munañap phuqhañasaxa —sasa. Ukat Juanax Jesusar bautisäna.

Lucas 5:14

Jesusasti juparux iwxt'änwa: —Janiw khitirus uk yatiyätati, jan ukasti sacerdoter uñstir saram. Kunjämatix Moisesan arsutaparjam k'umaraptasin luqta churañäkix ukham churam, ukhamat sacerdotenakan usumat k'umaräxatam yatxañapataki —sasa.

Juan 11:10

ukampis arum ch'amakan sarnaqirix, lanktasiwa, qhana jan utjatap layku —sasa.

Juan 2:5

Jesusan taykapasti ukan luqtirinakarux sänwa: —Kuntix jupax sapkätam uk lurapxam —sasa.

Juan 9:7

Ukat juykhurux sarakïna: —Siloé uma püñar jariqasir saram —sasa. (Ukax “Khithata” sañ muni.) Juykhusti sarasin jariqasïnwa; kutt'anxän ukkhasti uñjxänwa.