T'aqhisiyat jaqinakaruw chiqapar uñji, manq'at awtjatanakaruw manq'añ churaraki. Tatituw katuntat jaqinakarux antutnukuyi;
Lucas 1:53 - Qullan Arunaka DC Manq'at awtjatanakarux askimpiw phuqt'i, qamirinakarusti jan kunan khithanuku. Aymar Bibliia 1986 Mank'at awtjatanacarusti asquimpiw phokt'i, kamirinacarusti jan cunanwa qhitanucu, Qullan Arunaca Mank'at awtjatanacarusti asquimpiw phokt'i, kamirinacarusti jan cunanwa qhitanucu, |
T'aqhisiyat jaqinakaruw chiqapar uñji, manq'at awtjatanakaruw manq'añ churaraki. Tatituw katuntat jaqinakarux antutnukuyi;
10 (11) Qamirinakax jan kunaniruw tukupxi, manq'at t'aqhisipxaraki, Tatitur thaqhirinakasti janiw kunatsa t'aqhisipkaniti.
Jupanakarusti suma yapuchat uraqinak churarakï, janipuniw mayampsa manq'at t'aqhiskxapxaniti, janirakiw yaqha markanakas jupanakat juk'ampi laruskxapxaniti.
“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.
“Kusisiñanïpxtaw manq'at jichha awtjayasirinakaxa, jumanakasti sist'atäxapxätawa. “Kusisiñanïpxtaw jichha jachirinakaxa, qhiparusti larusipxätawa.
Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.
Jilatanaka, jumanakar Diosan jawsatapat amuyasipxañama, ukat sipana, jaqin amuyuparjamax jumanakat juk'anikiw yatiñanïpxtaxa, jumanakat juk'anikiw jilïr munañan jaqïpxtaxa, jan ukax wali aytat wila masit jutirïpxtasa.
Jumanakax amuyatax niy qamirïxapxtawa, munatamarjamax taqi kunanïxapxtawa, reyinakjam tukusax janiw nanakar munkxapxistati. ¡Añchakit chiqpach reyinakäpxasma, ukhamat nanakan jumanakampi chik markamankapxañaxataki!
Khitinakantix taqi kunas jilarkir utjkänxa, jichhax mä jisk'a t'ant'a laykukiw katuyasipxi; manq'at awtjayasirinakasti janiw jichhax awtjayaskxapxiti. Jan wawachasir warmisa, jichhax paqallqu kutiw wawachasxi, walja wawachasir warmisti, jichhax janiw wawanakanïkxiti.