Lucas 1:42 - Qullan Arunaka DC

Ukat jupax jach'a arut säna: —Diosaw jumarux taqi warminakat sipansa aski waxt'äwip churtam, ukhamarak wawamarusa.

Aymar Bibliia 1986

Ucat jupajj jach'a arut säna: —Diosaw jumarojj bendistam take warminacat sipansa, uqhamarac wawamarusa.

Qullan Arunaca

Ucat jupajj jach'a arut säna: —Diosaw jumarojj bendistam take warminacat sipansa, uqhamarac wawamarusa.

Lucas 1:42 Jak'a apnaqawi uñst'ayäwi

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

Salmos 21:6

6 (7) Jan tukuskir askinak jupar churtaxa; jupamp chik sarnaqatam laykuw kusisiytaxa.

Salmos 45:2

2 (3) ¡Jaqinakat sipan juk'ampi sumätawa! ¡Lakamat munayasiñ arunakax mistsuski! Tatitusti wiñayatakiw askinak churtam.

Lucas 1:28

Angelasti Marian ukar mantasin sänwa: —¡Aruntsmaw María, jumax Diosan askip katuqtaxa! Tatitux jumampïskiwa —sasa.

Lucas 1:41

Kunapachatix Isabelax Marian aruntap ist'kän ukapachaw, Isabelan purakapan wawax unxtäna, ukatsti Isabelax Qullan Ajayumpi phuqt'ataw uñjasïna.

Lucas 1:43

¿Khitirakïpachät nayasti, Tatituxan taykapan nayar tumpt'ir jutañapatakisti?

Lucas 1:48

Diosan mä jan yäqat luqtiripat amtasitap layku, jichhat uksarusti taqi jaqiw sapxitani: “Jumax kusisiñanïtawa” sasa;

Lucas 19:38

Sapxarakïnwa: —¡Tatitun sutipar jutir Reyix jallallatäpan! ¡Alaxpachan sumankañax utjpan, taqinis Diosan ch'amanïtap yatipxpan! —sasa.

Romanos 9:5

Jupanakax nayra awkinakasan wawanakapawa; Cristox janchi tuqin jupanak taypit juti, jupasti taqi kunxar Diosawa, wiñayatak yupaychatäpan. Ukhamäpan.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

Jueces 5:24

“¡Héber sat quenita jaqin Jael warmipasti, taqi warminak taypin qullanäpan! ¡Chhujllankir warminak taypin qullanarakïpan!