Lucas 1:17 - Qullan Arunaka DC Jupa, Juanasti Tatitun nayraqatap sarani, Elías profetan ajayupat ajayuni, ch'amapat ch'amaniraki, awkinakar wawanakapampi sumankthapiyañataki, jan jaysasirinakasti jaysañ yatiqapxañapataki. Ukhamat jaqinakar Tatitur katuqapxañapatak wakichani —sasa. Aymar Bibliia 1986 Aca Juanasti Tatitun nayrakatap sarani, Elías profetan ajayupat ajayuni, uqhamarac ch'amapat ch'amani, awquinacaru wawanacapampi sumancthapiyañataqui, jan jaysasirinacarusti jaysañ yatekapjjañapataqui. Uqhamatwa jakenacarojj waquichani Tatitur catokapjjañapataqui —sasa. Qullan Arunaca Aca Juanasti Tatitun nayrakatap sarani, Elías profetan ajayupat ajayuni, uqhamarac ch'amapat ch'amani, awquinacaru wawanacapampi sumancthapiyañataqui, jan jaysasirinacarusti jaysañ yatekapjjañapataqui. Uqhamatwa jakenacarojj waquichani Tatitur catokapjjañapataqui —sasa. |
Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.
Eliasasti sänwa: —Janiw nayäkti Israelar jan walt'ayirixa, jan ukasti, jumampi, jaqinakamampïpxtawa, Tatitun kamachi arunakap apanukusin Baal diosan uñtasitanakapar yupaychapxatam layku.
Ahab reyisti Eliasarux sänwa: —Ukhamasti, ¿juma, uñisirixat nayar jikxatista? —sasa. Eliasasti sänwa: —Jïsa, jikxatsmawa. Jumax jan wali luräwinakak Tatitun nayraqatapan lurtaxa.
purisasti reyir akham säna: —Tatitux akham siwa: “Khithanak Ecronankir Baal-zebub sat diosar jiskt'ayasir khithatamata, Israelan janis Diosax jiskt'asiñatak utjkaspa ukham luratam laykux, ikiñamat janiw sartkxätati, jiwxätawa” —sasa.
Tatay, Abraham, Isaac, Israelan nayra awkinakaxan Diosapa, aka amtäwi markaman chuymapan utjayam, juma tuqir chuymap uñtayarakim.
Ezequiasampi, taqpach jaqinakampisti, kuntix Diosax jaqinak layku lurkatayna ukanakat walpun kusisipxäna, taqi ukanakasti mäkiw lurasitayna.
Tatay, jumaw jan yäqat jaqinakan mayisitap ist'asktaxa, jumaw chuymachtaxa, ch'amañcharaktaxa.
Yatiñ kankañan qalltapax, Tatitur axsartañawa, jupar waqaychirinakax wali amuyt'anïpxiwa. ¡Tatitux wiñayaw yupaychatäni!
nayra pachan jakir awkinakapjam jan sarnaqapxañapataki, qallasir t'axmar jaqir jan tukupxañapataki, pächasir chuyman jaqir jan tukupxañapataki, Diosat saraqtir jaqir jan tukupxañapataki.
Khitinakatix pantjat sarnaqapkän ukanakasti, amuyt'asiñ yatiqxapxani, mayninakxat parlirinakasti, yatichäwinakaparuw jaysxapxani.”
“Ukhamïpan, Israel marka, jumarux ukhamarak mutuyäma; uksti nayax lurapunïwa, ¡Diosamampi jikisiñatak wakicht'asim!”
jumanakatix uk iyawsañ munapxstaxa, Juanasti jutañapäkän uka Elías profetan lurañap phuqhaski ukawa.
Juanasti Herodesaruw akham satayna: “Janiw jilaman warmipampi utjasiñamax wakisktamti” sasa.
Isaías profetasti Bautisir Juanat akham qhanañchäna: “Wasaran mä jaqin jach'at art'asitapaw ist'asi: ‘Tatitun thakhip wakichapxam; chiqa thakhi jist'arapxam’ ” sasa.
Juanan isipasti camello t'awrat luratänwa, lip'ichit lurat wak'ampiw wak'asirïna; jupax t'iju t'ijunakampi, wasaran utjir misk'impi manq'irïna.
Jumasti, munat wawa, alaxpachankir Diosan profetapa satäyätawa, jumaw Tatitun nayraqatap saräta, thakhinakap wakicharakïta,
Jupanakasti janiw jaqin munañapat janchin yuritäpkiti, jan ukasti Diosan wawanakapäxiwa.
Jumanak pachpaw ist'apxista: Janiw nayax Cristökti, jan ukasti jupan nayraqatap sarañatak khithanitakïtwa, siri.
Ukspachaw nayax jumar jawsayir khithanta, jumasti jank'akiw juttaxa. Jichhasti taqiniw Diosan nayraqatapan akankapxtan, kuntix Tatitux nanakar yatiyañamatak sisktam ukanak ist'añ munapxarakta —sasa.
Uka pachparaki, jiwasanakar qhispiyañatakix munasiñapampi, ch'amapamp uñacht'ayäna. Qalltatpach jiwasanakat khuyapt'ayasistu, ukat jupamp chika jakañatak ajllisirakistu.
Dios Awkir yuspagarapxäta, juparakiw jumanakar wakichapxtam uka waxt'asïwip qhanan katuqapxañamataki, uksti Diosax jupan qullan markaparuw churani.
Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.
Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.
Jichhasti wawanaka, Cristompix mayak jakapxam, ukhamat kunapachatix uñstankan ukkhax iyawsañasax utjañapataki, ukatsti kunapachatix jutkan ukkhax, jupan nayraqatapan jan mä p'inqa tukuskañasataki.
Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.
Ukatsti Samuelux sarakïnwa: “Israelitanakar Mispá chiqar tantacht'apxam, nayax Tatituruw jumanakatak mayï” sasa.