Lucas 1:15 - Qullan Arunaka DC

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Aymar Bibliia 1986

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Qullan Arunaca

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Lucas 1:15 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 48:19

Ukampis awkipax janiw jayskänti, ukat sarakïna: —¡Wawaxay, nayax uk yattwa! Manasesax mä jach'a markaw tukuni. Ukampisa sullka jilapaw jupat sipana wali aytat uñjasini, wawanakapasti walja markanak sayt'ayani —sasa.

1 Crónicas 17:8

kawkhantix jumax sarnaqkäyät ukkhanxa, nayaw jumampïskäyäta, uñisirinakamar tukjasa, jach'ar aptasa, kunjämatix aka uraqin aytat jaqinakax aptatäki ukhama.

1 Crónicas 29:12

Qamirïñasa, jach'ar aptatäñas jumat juti. Jumaw taqi ukanak apnaqta. Ukatsti ch'amasa, munañanïñ kankañas amparamankiwa, jach'ar aptatäñasa, munañan kankañ churañas amparamankarakiwa.

Salmos 22:9

9 (10) Kunsay parlapxpan, jumaw taykaxan purakapat yuriyista; jarphipar samart'ayasaw uywasista.

Jeremías 1:5

“Jumar jakaña janïr churkäyäsma ukkhatpach ajllissma; jumax janïr yurkäyät ukkhatpach nayax yaqhachassma; markanakan profetapäñamatakiw jumarux uchsma” sasa.

Jeremías 35:6

Jupanakasti ukxarux sapxarakiwa: “Nanakax janiw vino umapkti, Recab jaqin yuqapa Jonadab sat nayra awkixaw mä iwxa jaytapxitu: Jumasa, wawanakamasa, janipuniw vino umapxätati sasa.

Levítico 10:9

“Kunapachatix jumasa, yuqanakamasa Tatitump Jikisiñ Carpar mantañatakïpxäta ukapachax, janiw vinsa, kuna p'usqtat umañanaksa umapxätati, jan jiwapxañamataki. Aka arsüwisti, wawanakaman wawanakapatak mä kamachiwa,

Zacarías 9:15

Taqi ch'amani Tatituw jupankirinakarux imani, jupanakasti q'urawt'anita qalanaksa takichasipxaniwa, uñisirinakaparusti jiwarayapxaniwa; atipjäwipat kusisiñatakisti mä jach'a manq'äwi lurapxani. Umjasiñkamaw umapxani; qirunakap vinompi phuqharapxani, kunjämtix altarar warxatañatak wilax qirunakar phuqharatäki ukhama.

Lucas 1:14

Ukatsti jumax wal kusisïta, waljanirakiw jupan yuritapat kusisipxani,

Lucas 7:28

Nayasti sapxsmawa, taqi jaqinak taypin Bautisir Juanat sipan juk'amp jach'a profetax janiw utjkiti; ukampis, Diosan qhapaq markapan juk'amp jisk'äki ukax jupat sipan juk'amp aytatawa” sasa.

Lucas 7:33

Bautisir Juanaw juti, jupasti janiw t'ant'a manq'känti, janirakiw vino umkänti; jumanakasti: ‘Ñanqha ajayuniw’ sapxaraktawa.

Juan 5:35

Bautisir Juanan yatichäwipax mä qhanjamaw qhanäna, jumanakasti uka qhanapan mä juk'a pachakiw kusisiñ munapxäyätaxa.

Hechos 2:4

Jupanakasti taqpachaniw Qullan Ajayump phuqt'at jikxatasipxäna, ukatsti yaqha arunakat parlañ qalltapxäna, Qullan Ajayux parlaykän ukhamarjama.

Gálatas 1:15

Ukampis Diosaw nayarux janïr yurkta ukkhatpach ajllisitu, ukatsti jach'a munasiñap laykuw jawsarakitu. Diosax ukham munasin Yuqapar uñt'ayitu, qhispiyasiñ arunakap jan judiöpkis uka jaqinak taypin qhanañchañaxataki, ukapachasti janiw nayax khitir jiskt'asiris sarkti;

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

Josué 3:7

Tatitusti Josué chacharux sänwa: “Jichhürut uksarux israelitanakan nayraqatapan jach'aruw tukuyäma, ukhamat jupanakax nayan jumampïskatax yatipxani, kunjämatix nayax Moisesampïkäyät ukhama.

Josué 4:14

Tatitusti uka urux Josué chachar taqpach Israel marka nayraqatan jach'añchi, jupanakasti yäqapxänwa, kunjämtix Moisesaru jakañapkam yäqapkäna ukhama.