Levítico 8:14 - Qullan Arunaka DC

Ukxarusti Moisesax kuna urqu vacatix jucha luratat luqtatäkani uk irptayanïna, ukatsti Aaronampi, yuqanakapampix uka urqu vacan p'iqipxaruw amparanakap luqxatapxäna.

Aymar Bibliia 1986

Ucjjarusti Moisesajj cuna orko vacatejj jucha luratata loktascän ucwa irptayaniraquïna, ucatsti Aaronampi, wawanacapampejj uca orko vacan p'ekepjjaruraquiw amparanacapa lokjjatapjjäna.

Qullan Arunaca

Ucjjarusti Moisesajj cuna orko vacatejj jucha luratata loktascän ucwa irptayaniraquïna, ucatsti Aaronampi, wawanacapampejj uca orko vacan p'ekepjjaruraquiw amparanacapa lokjjatapjjäna.

Levítico 8:14 Jak'a apnaqawi uñst'ayäwi

Salmos 66:15

Lik'i uywanak nakt'ayat luqtanïma, urqu vacanakampi, cabritonakamp churanïma, urqu ovejanakampi kun luqtanïma.

Isaías 53:10

Tatituw juparux ukham t'aqhisiyäna. Niyakixay jupax juchanakas layku luqtasiwaychixa, jichhax wali jaya maranakaw jakani; wawanakaparus uñjarakiniwa, kuntix Tatitux munki uk phuqhani.

Ezequiel 43:19

Sadoc chachat saraqir levita sacerdotenakarusti, khitinakatix nayar luqtiri jak'achasiniñapäki ukanakarux, mä urqu vaca churapxäta, jucha luratanakat nayar mä wilañcha luqtaniñapataki. Naya, Tatituw uk arsta.

Ezequiel 43:20

Ukatsti uka altarankir pusi waxranakaru, patxa pusi esquinaparu, thiyanakaparu taqi ukanakaruw mä juk'a wilampi warxatäta. Ukhamat uka altarxa q'uma tukuyäta.

Ezequiel 44:27

Kunapachatix Tatitun utapan manqhankir uta anqäxapar luräwinakapampi phuqhañatak wasitat mantxapxani ukkhasti, jucha luratanakapat wilañcha luqta katuyapxani. Naya, Tatituw uk arsurakta.

Levítico 1:4

uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Levítico 16:21

uka cabriton p'iqipxar amparap luqxatasasti, israelita jaqinakan ñanqha juchanak luratanakap arsuni. Ukhamat uka cabriton p'iqipxaru taqi juchanak apxatxani, ukatsti khititix uk apañatak ajllitäki ukaw uka cabrito irpasin wasarar antutnukunxani.

Levítico 16:6

Jupan kipka juchapat uka urqu vaca wilañchat luqtani, ukhamat jupan juchapasa, wila masipan juchanakapas pampachatäñapataki.

Levítico 4:15

ukan Tatitun nayraqatapan taqi jilïri jaqinakax uka urqu vacan p'iqipxar amparanakap luqxatapxani, uka pachpanarak kharinukupxani.

Levítico 8:2

“Jichhax Aaronampiru, wawanakapampir irpxarum, ukatsti sacerdotenakan isinakapa, luqtañatakïki uka aceite, kuna urqu vacatix jucha luratata Tatitur luqtaski uka, paypach urqu ovejanaka, uka kipkarak kawkïri walayatix jan levaduran t'ant'anaka churañatak uskutäki taqi ukanak apxarum,

Números 8:12

Ukatsti levitanakax vaca qallunakan p'iqipxaruw amparanakapamp luqxatapxani, jumasti jucha luratat mä vaca qallu wilañcha luqtäta, mayïr vaca qallsti Tatitutak nakt'ayat luqtäwi churarakïta.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,