Levítico 8:13 - Qullan Arunaka DC

Ukhamarakiw Aaronan wawanakaparus jak'achasinipxañapatak mayïna, ukatsti sacerdote isimpiw taqpachanir isintayäna, wak'anakampi wak't'ayasa, ch'uqasiñanakampi p'iqinakapar ch'uqt'asa, kunjämtix Tatitux Moisesar siskatayna ukhamarjama.

Aymar Bibliia 1986

Uqhamaraquiwa Aaronan wawanacaparusa jawsaraqui jupa jac'aru, ucatsti tunicanacampiw isthapiyaraqui, cinturanaca jiythapisinsti, ch'okasiñanacampiw p'ekenacaparojj ch'okjjataraquïna, cunjämtejj Moisesarojj Tatitojj siscatayna uqhamarjama.

Qullan Arunaca

Uqhamaraquiwa Aaronan wawanacaparusa jawsaraqui jupa jac'aru, ucatsti tunicanacampiw isthapiyaraqui, cinturanaca jiythapisinsti, ch'okasiñanacampiw p'ekenacaparojj ch'okjjataraquïna, cunjämtejj Moisesarojj Tatitojj siscatayna uqhamarjama.

Levítico 8:13 Jak'a apnaqawi uñst'ayäwi

Salmos 132:9

Sacerdotenakamax chiqa kankañ isimp isthapisipxpan, jumar iyawsirinakax kusisiñat art'asipxpan.

Éxodo 40:13

Aaronasti sacerdote isimpi uchaspan. Ukatsti aceitempiw jupar warxatäta, ukhamat nayan luqtirixatak yaqhachäta.

Éxodo 40:16

Moisesax taqi kun luräna kunjämtix Tatitux jupar siskatayna ukhamarjama.

Isaías 61:10

¡Tatitunkxasinxa wali kusisitätwa! Diosaxankataxatsti kusisiñan phuqt'atätwa, jupaw nayarux qhispiyitu, atipjañsa churarakitu. Kunjämatix mä jaqichasir waynax pillup uchaski ukhamätwa, kunjämatix mä jaqichasir tawaqux k'achacht'aski ukhamarakïtwa.

Isaías 61:6

Jumanakarusti: “Tatitun sacerdotenakapa” sasaw sutichapxätam, Tatitun luqtirinakapa sasaraki. Yaqha markanakankir qamir yänakapampiw kusisipxäta, uka k'ajkir yänakapampiw k'achachasipxäta.

Ezequiel 42:14

Sacerdotenakax Tatitun utapar mantapkani ukkhasti, janiw uta anqäxarux mistunipxañapäkiti, janïr uka utaru kuna isinakampitix Tatitur luqtapkän uka isinak isirasisaxa, uka isinakan qullanätap layku. Markachir jaqinak nayraqatar mistuniñatakisti, yaqha isimpiw isthapisinipxañapa” sasa.

Levítico 10:5

Jupanakasti iyaw sasaw jutapxäna, ukatsti pachpa isinakapar llawt'asaw campamentot anqäxar apasxapxarakïna, kunjämtix Moisesax siskatayna ukhamarjama.

Levítico 8:21

ukatsti uka ovejan jiphillanakapa, chhuchhullinakap jariqxarakïna, taqi ukanaksti, Tatitutakix mä suma waxt'äkaspas ukham altarxarux nakt'ayxäna, kunjämtix Tatitux Moisesar siskatayna ukhamarjama.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.