Levítico 7:12 - Qullan Arunaka DC Uka wilañchäwitix yuspagarañatakïchinixa, aceitempi chapt'ata jan levaduran t'ant'anaka, aceitempi warakipt'ata sillp'a t'ant'anaka, wali suma jak'uta aceitempi chapt'at t'ant'anak churapxäta, Aymar Bibliia 1986 Uca loktäwitejj yuspagarañataquïchinejja, t'ant'anaca churapjjaraquïta jan levadurani, aceiteru chapt'ata, uqhamaraqui sillp'a t'ant'anaca, aceitempi waraquipt'ata, uqhamaraqui wali suma jac'ut lurata t'ant'anaca, aceitempi chaputaraqui. Qullan Arunaca Uca loktäwitejj yuspagarañataquïchinejja, t'ant'anaca churapjjaraquïta jan levadurani, aceiteru chapt'ata, uqhamaraqui sillp'a t'ant'anaca, aceitempi waraquipt'ata, uqhamaraqui wali suma jac'ut lurata t'ant'anaca, aceitempi chaputaraqui. |
Ezequiasasti jaqinakarux sänwa: “Jichhasti jumanakax Tatiturux luqtasxapxtawa, jak'achasinipxam, ukatsti Tatitun utapatak wilañcha luqtañatak apanipxam, yuspagarañ waxt'äwinak apanipxarakim” sasa. Ukatsti jaqinakax wilañcha luqtäwinak apanipxäna, Tatitur yuspagarañ waxt'äwinakampi, khitinakatix taqi chuymampi lurañ munapkän ukanakasti nakt'at wilañchanak luqtapxarakïna.
Ukatsti Tatitun altarap askichayäna, uka altaransti sumankthapiñ wilañchanakampi, yuspagarañ waxt'anakamp luqtäna, Judá uraqinkir jaqinakarusti Israelan Tatit Diosaparuw yupaychayäna.
Ukürusti walja wilañchanaka luqtasïna, jaqinakasti walpun kusisipxäna, Tatituw jupanakar jach'a kusisiñamp phuqt'äna. Warminakasa, wawanakasa wali kusisitäpxarakïnwa, Jerusalenan utjkän uka kusisiñax jayatpach ist'asïna.
Tatiturux khuyapayasiñapat yuspagarapxam, jaqinakatak muspharkañanak luratapata.
nayar yuspagaririx jach'aruw aptitu; thakhixan sarnaqirirusti nayaw qhispiyä” sasa.
suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”
2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.
“Kunapachatix grano achunakat hornon qhathita mä waxt'a churäta ukkhasti, uka t'ant'ax suma jak'uta aceitempi chapt'at jan levadurani luratäñapawa, jan ukax, jan levadurani sillp'a t'ant'anakas aceitempi jawikipatäñapawa.
“Waxt'äwimatix grano achunakat sartenar qhathiyatächixa, suma jak'uta, aceitempi chapt'at jan levadurani luratäñapawa,
“Kunapachatix Tatitur yuspagaras mä waxt'a churkäta ukkhasti, wali sumpun luqtam, ukhamat uka luqtäwin sum katuqatäñapataki.
16 (9) Uka waxt'ata jilt'irsti Aaronampi, sacerdote wawanakapampix jan levaduran manq'apxani, Tatitur katuyata chiqana, Diosampi Jikisiñ Carpa anqäxana.
“Kawkïri uywatix yuspagarañataki, ukhamarak sumankthapiñataki luqtaski ukan aychapax uka urpacha pachpan manq'antatäñapawa, janiw mä jisk'a aychas qhipürutakix jilt'ayatäñapäkiti.
Jan levaduran t'ant'a nakt'ayas yuspagarasin waxt'äwi luqtasipxam, waxt'a churapkäta ukanaksa taqi chiqan yatiyapxarakim, ukham lurañaw jumanakatakix askixa.” Tatitux ukham siwa.
Ukhamarus uka nazireo jaqix qullan utjäwir apañaparakiwa, jan levaduran t'ant'anakan walaya; ukasti suma jak'uta, aceitemp chapuntata luratäñapawa, ukatsti grano achunakampita, vinompit waxt'anak apañaparaki.
Jupasti Jesusan nayraqataparuw killt'asïna, ajanupsa uraqkam alt'asaw jupar yuspagaräna. Aka jaqisti Samaria markankirïnwa.
Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.
Ukat Diosarux Jesucristo tuqi yupaychañasa. Aka yupaychañsti aski waxt'äwjam luqtañasawa. ¡Ukhamasti lakanakasampi yupaychapxañäni!
Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.