Levítico 5:17 - Qullan Arunaka DC

“Maynitix jan amuyaskasin Tatitun kamachi arunakap p'akintani ukax juchañchatäniwa, jucha luratapatsti phuqxañapäniwa.

Aymar Bibliia 1986

“Maynitejj Diosan arunacapa contra jucha luranejja, janis amuyascchi, ucajj juchañchatäniwa, ucat uca jucha luratapatjja phokjjañaparaquiwa.

Qullan Arunaca

“Maynitejj Diosan arunacapa contra jucha luranejja, janis amuyascchi, ucajj juchañchatäniwa, ucat uca jucha luratapatjja phokjjañaparaquiwa.

Levítico 5:17 Jak'a apnaqawi uñst'ayäwi

Salmos 19:12

12 (13) Janiw khitis pantjasitap amuyaskasamachiti. ¡Tatay, jan amuyaskasin juchanak lurataxat q'umacht'asita!

Levítico 4:13

“Taqi israelit jaqinakatix jan amuyaskasin kuna jan walsa lurapxanixa, ukat janirak jupanakat maynis amuykani Tatitun kamachinakap p'akintapxatapata, ukhamat juchañchjasipxchi ukaxa,

Levítico 4:22

“Mä jilïritix jan amuyaskasina Tatit Diosapan kamachi arunakap p'akintanixa, uka jilïrix juchanipunïniwa.

Levítico 4:27

“Mä markankir jaqitix jan amuyaskasina Tatitun kamachi arunakap p'akintanixa,

Levítico 5:15

“Maynitix jan amuyaskasin juch lurani, Tatitur luqtat yänakat sallqjatapas uñstkani ukapachax, oveja tamapat jan kuna kamacht'at mä urqu oveja Tatitun ukar wilañcha luqtañatak apaniñapawa. Uka urqu ovejan alapasti qawqhäkitix qullan utjäwin qullqipax ukarjam chaniñcht'atäñapawa, kunjämatix jucha luräwit waxt'a luqtañax wakiski ukhamarjama.

Levítico 5:18

Ukhamasti oveja tamanakapat mä jan kamacht'at urqu oveja apanini, uka ovejan alapsti jumaw qawqhänisa uk säta, ukatsti sacerdoten ukaruw uka jucha luratapat luqtañatak apatarakïni, ukhamat kuntix uka jaqix jan amuyaskasin jucha lurkatayna ukat pampachatäñataki.

Levítico 5:19

Uka wilañchasti jucha luratanakat luqtatawa, uka jaqin Tatit nayraqatan juchanïtap layku.”

Lucas 12:48

Ukampis jan yatir uywatatix jan walinak lurchi ukaxa, juk'a mutuyäwik katuqani. Khitirutix walja churatäki ukarux waljarakiw mayitäni; khitirutix walja katuyatäki ukarusti, juk'ampirakiw mayitäni.

Romanos 14:23

Ukampis maynitix pächasis manq'chixa, ukham manq'asax jupapachaw juchañchjasi, jupan kunjämtix iyawski ukhamar jan manq'atap layku; ukham jan iyawsañampi kuna lurañas juchawa.