Levítico 4:26 - Qullan Arunaka DC

ukatsti taqpach lik'i altarxar nakhantayxarakini, kunjämatix sumankthapiñatak luqtat lik'i nakhantayapki ukhama. Sacerdotex ukham lurasaw jilïritakix juchapat pampachatäñ jikxatani, jilïrin juchapasti pampachatäxaniwa.

Aymar Bibliia 1986

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Qullan Arunaca

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Levítico 4:26 Jak'a apnaqawi uñst'ayäwi

2 Crónicas 29:24

Ukxarusti sacerdotenakax uka uywanak kharirapxäna, wilapampisti altarxaruw ch'allakipapxäna juchata mä waxt'äwi luqtasa, taqpach Israelan juchanakapat pampachäwi jikxatañataki, reyiw mayitayna Israel markpachataki nakt'at wilañchanakax luqtatäñapataki.

Ezequiel 43:22

Qhipürusti, jucha luratanakat mä k'umar cabrito luqtarakïta, sacerdotenakasti kunjämtix vaca qallu luqtañatakix altar q'umachapkän uka kipkarak q'umachapxani.

Levítico 1:4

uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Levítico 12:8

Ukampisa uka taykantix mä urqu oveja alañataki qullqix jan utjarapkani ukapachasti, pä qhurukutu jan ukax paloman pä chhiwchhipa apanirakispa, mayax nakt'ayas luqtañataki, mayasti jucha luratat wilañcha luqtañataki; ukapachaw sacerdotex uka warmitak juchapat pampachatäñ mayini, uka warmisti q'umachataw uñjasxarakini.

Levítico 14:18

Ukat jilt'ki uka aceitxa, kawkïri jaqitix q'umachasiski ukan p'iqiparuw warxatani. Ukhamat sacerdotex uka jaqin juchapat pampachatäñ jikxatani.

Levítico 15:15

Sacerdotesti mayxa jucha luratat wilañcha luqtxani, maysti nakt'ayasaw luqtxarakini, ukhamat Tatitun nayraqatapan jatha aywiyir usun jaqitakix q'umachasïwi lurañ phuqxani.

Levítico 17:11

Taqi jakirinakan jakañapax wilankiwa. Naya pachpaw jumanakarux uka uywanakan wilap churapxsma altaran nayar luqtapxañamataki, uka wilan jakañax utjatap laykuw jumanakax juchat pampachatäñ jikxatapxta.

Levítico 19:22

Uka ovejsti wilañchat luqtasaw sacerdotex Tatitun juchat pampachañapatak mayini, ukatsti uka jaqin juchapax pampachatäxaniwa.

Levítico 3:5

Sacerdotenakaw taqi uka lik'inak altarxar nakhantayapxani, kawkhantix altarxan nakhantayatäñatak luqtäwix nakhaski ukxar apxatasa, ukasti Tatitutakix mä suma q'apkir waxt'äniwa.

Levítico 4:19

Ukhamarakiw uka urqu vacat taqpach lik'inaka apsxani, ukatsti altarxaruw nakhantayxani,

Levítico 4:20

jan ukax, uka urqu vacampix kunjämatix juchat wilañcha mä yaqha urqu vaca luqtapkän uka kipkarakiw luqtañapa, ukhamat sacerdotex jupanakan juchanakapat pampachatäñ jikxatani, ukatsti juchanakapax pampachatäxaniwa.

Levítico 4:31

Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti altarxaruw nakt'ayxani Tatitutak suma q'apkiri waxt'ata, ukhamat sacerdotex uka jaqitakix juchapat pampachatäñ jikxatani, uka jaqin juchapasti pampachatäxarakiniwa.

Levítico 4:35

Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti Tatitutak suma q'apkir waxt'at altarxar nakt'ayxani, ukhamat sacerdotex uka jaqitak juchapat pampachatäñ jikxatani, juchapasti pampachatäxaniwa.

Levítico 5:10

Payïrimpisti nakt'at waxt'a luqtxarakini, kunjämarutix satäki ukhamarjama; ukhamat jucha lurir jaqin juchanakapax pampachatäxani.

Levítico 5:13

ukhamat sacerdoten uka jaqin juchanakap pampachatäñ jikxatañapataki, uka juchapasti pampachatäxaniwa. Uka waxt'at jilt'ir granonakasti, sacerdotetakïniwa.”

Levítico 5:16

Ukatsti uka jaqix kunatix Tatitur luqtat qullana yänakat sallqjkäna ukanakat yapxatat phuqxañapawa. Chikatan chikatapäki uksti, sacerdoteruw katuyxañapa. Ukatsti kuna urqu ovejatix wilañchat luqtaski ukampix sacerdoten juchat pampachatäñ uka jaqitakix jikxatañapa, ukat juchanakapax pampachatäxani.

Levítico 5:18

Ukhamasti oveja tamanakapat mä jan kamacht'at urqu oveja apanini, uka ovejan alapsti jumaw qawqhänisa uk säta, ukatsti sacerdoten ukaruw uka jucha luratapat luqtañatak apatarakïni, ukhamat kuntix uka jaqix jan amuyaskasin jucha lurkatayna ukat pampachatäñataki.

Levítico 6:7

7 (26) Ukatsti sacerdotex taqi uka juchanaka, kawkïrïpasa, ukanak luratatsti, uka jaqitakix juchat pampachatäñ jikxatani, uka juchasti pampachatäxarakiniwa.”

Números 15:25

Ukatsti sacerdotew Israel markpachatak luqta katuyani, juchat pampachäwi jikxatañataki, nayasti jupanakarux juchapat pampachäwa, jan amuyasisin pantjasipxatap layku; jupanakan uka jucha luratat waxt'apa, wilañchapa nayar luqtapxatap layku.

Números 15:28

Ukatsti sacerdotew nayan nayraqataxan uka jaqitak luqtäwi katuyani, jan amuyasis jucha luratapat pampachäwi jikxatañataki, nayasti uka jaqirux juchap pampachäwa.