Levítico 26:19 - Qullan Arunaka DC Jumanakarux q'al jisk'achjapxäma, jallsa janirakiw jumanakxarux apayankxäti, alaxpachax hierror uñtataw tukuni, aka uraqisti cobrer uñtataw tukurakini. Aymar Bibliia 1986 Jumanacan jach'a jach'a tucupjjatanacamsti t'unjaraquïwa, alajjpachas janiraquiw jumanacjjarojj jallu apayancjjaniti, orakes janiw achcjjaraquiniti. Qullan Arunaca Jumanacan jach'a jach'a tucupjjatanacamsti t'unjaraquïwa, alajjpachas janiraquiw jumanacjjarojj jallu apayancjjaniti, orakes janiw achcjjaraquiniti. |
Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.
“Kunapachatix jallux jan purxatkxani, markaman juma nayraqatan juchanak lurapxatap layku, ukatsti aka chiqar uñtas jumat mayisini, sutimsa yupaycharakini, juman mutuyäwim layku juchanakapsa uñt'asipxani ukkhaxa,
Kunürutix taqi ch'aman Tatitux sartkani uka urux jak'achasisinkiwa, uka urun jach'a jach'a tukurinakasa, p'iqi waytat jaqinakasa jisk'achjatäpxaniwa,
Moab markasti wasitat sartasiñ munani, ukampis inakiw ch'amachasiskani, Tatitux pachpak jach'a jach'a tukuñap aynacht'ayani.
Jupaw jach'a jach'a tukur jaqinakarux liwisiyi, uraqkam liwinukusaw jach'a jach'a tukur markarux jisk'achji,
¡Ay Samaria marka, Israel markan jach'a jach'a tukuñapa, machantat marka; ankuntat panqaranakampiw k'achachasta, uka suma qhirwan utjasiri marka, jaqinakapas vino umañamp atipjatanaka!
Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!
‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.
“ ‘Tatitux akham siwa: Egipto markar yanapirinakasti nuwasïwin jiwarapxani, Migdol chiqata, Asuán sat chiqakama. Egipton jach'a jach'a tukutapasti jisk'achjataw uñjasini. Naya, Tatituw uk arsta.’
Aka uraqirusti ch'usa wasara, q'ala tukjat tukuyä, ch'amapampi, wali jach'a jach'a tukutapampsti tukjarakïwa. Israel markan qullunakapasti ch'usa wasararuw tukuni, janirakiw khitis uka chiqa sarakipkxaniti.
Nayaw wali qhuru jaqinak khithanï, jupanakaw utanak katuntasipxani. Munañaninakan jach'a jach'a tukutapasti tukusiniwa; diosanakapar yupaychañ chiqanaksti takisiyarakïwa.
37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”
Uka urunsti, nayan Jerusalén markaxa, naya tuqi sayt'asitamatxa, kunayman luratanakampi nayar qallkatatamat janiw p'inqaskxätati, nayaw uka jach'a jach'a tukuri jaqinakarux juma thiyat apaqxäma, ukatsti nayan qullan qulluxanxa, janiw mayampis jach'a jach'a tukxätati.
Chiqpachansa, Elías profetan urunakapanxa, walja ijma warminakaw Israel markan utjäna, jallux kimsa mara chikani jan purxatapatsti, taqi markpachan manq'at awtjayasiñax utjxäna;
ukham lurapxasma ukaxa, Diosax jumanakatakiw q'apisispa, janiw jallux purxatkaspati, uraqisti janiw juk'ampi kuna achunak churkaspati, ukatsti Diosax churapkätam uka suma uraqinxa, jumanakax jank'akiw jiwarapxarakisma.
Alaxpachatsti janiw jallux purinkaniti, aka uraqisti janirakiw kunsa achuyarapkätamti.
Ukatsti, filisteonakax Diosan arust'äwi arcap katuntasipxäna, ukatxa Elí sacerdoten Hofní, Finees sat yuqanakaparus jiwayapxarakïnwa.
Kunapachatix israelitanakan ejercitopax campamentor kutt'xän ukkhasti, Israel markan jilïrinakapax akham sapxäna: “¿Kunatsa Tatitux jichhürun filisteonakampi atipjaypachïstu? sasa. ¡Jichhax Siló chiqat Tatitun arust'äwi arcap aptir sarañäni, ukhamat jupax jiwasamp chikäñapataki, uñisirinakasat qhispiyañapataki!” sasa.