Levítico 23:10 - Qullan Arunaka DC

israelitanakar akham sañapataki: “Kunapachatix jumanakax kawkïr uraqtix churapkäma ukar mantapkäta ukkhaxa, apthapipkäta uka trigotxa, nayrïr marqa sacerdoteruw churapxäta.

Aymar Bibliia 1986

“Israelitanacarusti aqham saraquim: Cunapachatejj jumanacajj cawquïri oraktejj churapcäma ucaru mantapjjäta ucanwa, trigo apthapipjjäta, ucapachasti nayrïri markjja sacerdoteruw churapjjäta.

Qullan Arunaca

“Israelitanacarusti aqham saraquim: Cunapachatejj jumanacajj cawquïri oraktejj churapcäma ucaru mantapjjäta ucanwa, trigo apthapipjjäta, ucapachasti nayrïri markjja sacerdoteruw churapjjäta.

Levítico 23:10 Jak'a apnaqawi uñst'ayäwi

Éxodo 22:29

29 (28) “Yapu apthapitanakamata, taqpach vinomat waxt'anaksa nayatak apanipxapunïtawa. “Jilïr wawam nayaruw katuyxitäta,

Éxodo 23:16

“Yapu apthapiñ uru uruyäta, yapunakamat nayrïr achunak apthapkät ukapacha. Ukxarusti mara tukusiruw uruyarakïta, jumax yapunakam taqpach apthapiñ tukuykät ukapacha.

Éxodo 23:19

“Yapuman nayrïr suma achunakapsti Tatit Diosaman utaparuw apäta. “Janiw cabrito aychxa taykapan lechepar qhathiyapxätati.”

Éxodo 34:22

“Semananaka sata phunchhäwi uruyapxäta, trigon nayrïr achunakap apthapkasina, ukhamarak mara tukusi juyra apthapkasina.

Éxodo 34:26

“Ukxarusti uraqinakaman achuri nayrïr suma achunakapxa, Tatit Diosaman utaparuw apapxäta. “Janiw cabrito aychxa taykapan lechepar qhathiyapxätati.”

Ezequiel 44:30

Sacerdotenakasti taqi achunakata, nayrïr achunakäki, taqi luqtäwinakat sumäki ukanak katuqapxani. Jumanakax t'ant'a lurasiñatak masa wakichasipkät ukkhasti, sumäki uk jupanakarux churapxäta. Ukapachakiw nayan suma waxt'asiñanakaxax utanakaman utjani.

Levítico 14:34

“Kunapachatix jumanakax Canaán uraqir mantxapxäta, kawkïr uraqtix nayax jumanakar churapxsma ukaru, ukat nayax uka markan yaqhip utarus lepra usu apayankä ukkhaxa,

Levítico 23:11

Samarañ uru qhipürusti sacerdotex Tatituruw mä suma q'apkir waxt'äkaspas ukham churxani, ukhamat jumax katuqatäñamataki.

Levítico 23:17

utanakamatsti suma trigot levadurani lurt'at pä t'ant'a apapxäta, sapa t'ant'asti niya pusi kilonjamäniwa, ukasti nayraqata achunakamat Tatitur luqtäwïniwa.

Levítico 23:9

Tatitux Moisesaruw mayïna

Números 15:2

“Israelitanakar akham sarakim: Nayax jumanakan jakapxañamatak churapkäma uka uraqir mantapkäta,

Números 28:26

“Nayrïr achunak luqtañ urunxa, Tatitur yapunakamat machaq achunakap apthapisin luqtapkäta ukapachax, Semananaka sat uruyañ urunxa, qullan tantachäwi lurapxarakïta. Uka urusti janiw kunsa irnaqapxätati.

Romanos 11:16

Nayraqat mistkis uka t'ant'atix Diosar luqtatächixa, taqpach t'ant'a masax uka kipka luqtatarakiwa. Mä quqan saphipatix Diosar luqtatächixa, layminakapax uka kipka luqtatarakiwa.

Deuteronomio 16:9

“Trigo apthapiñ qallta uruta paqallqu semana saraqxipansti,

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.

Apocalipsis 14:4

Jupanakasti janiw k'ari diosanakar yupaychas q'añuchasipkataynati, jupanakax taqpachaniw Corderor arkapxäna, kawkirutix jupax sarkän ukaru. Jupanakax jaqinak taypit qhispiyatäpxataynawa, nayrïr churäwi Diosampir Corderompir luqtañataki.

Rut 1:22

Ukhamaw Noemí mamax Rut yuxch'apamp Moab markata Belén markar kutt'anxäna. Uka markar puripkäna ukapachasti, cebada apthapiñ pacha qalltäxänwa.