Jeroboam reyix qullu patanakan yaqha diosanakar luqtapxañapatak jupakiwa sacerdotenaka utt'ayasïna, supayanakar yupaychañataki, jupax lurkatayna uka vaca qallunakar yupaychañataki.
Levítico 17:7 - Qullan Arunaka DC Janipuniw mayampsa uka ñanqha ajayunakarux waxt'anakap luqtaskxapxaniti, kawkïrinakarutix jupanakax yupaychas q'añuchasipxäna ukanakaru. Aka kamachisti jumanakatakix wiñayatakïniwa, awkinakamataki, ukhamarak wawanakamatakisa. Aymar Bibliia 1986 Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa. Qullan Arunaca Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa. |
Jeroboam reyix qullu patanakan yaqha diosanakar luqtapxañapatak jupakiwa sacerdotenaka utt'ayasïna, supayanakar yupaychañataki, jupax lurkatayna uka vaca qallunakar yupaychañataki.
20 (19) “Yaqha diosanakar wilañchanak luqtir jaqix, jiwañapatak juchañchatäniwa.
Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.
¡Jupanakax jank'akiw, nayax uñachaykta uka thakhit saranukupxi! Quri umatatayasaw mä vaca qallu lursusipxi, jichhasti ukaruw yupaychasipki wilañchanaksa luqtasipkaraki; ukhamarus sapxarakiwa: “¡Israel, akaw Egiptot irpsunktam uka diosamaxa!” —sasa.
“Janiw kuna amtäwirus uka uraqin jakir jaqinakamp mantapxätati, jupanakax diosanakapar yupaychasina, wilañcha luqtatanak jumanakar churapxiristam, jumanakax uka diosanakar luqtat waxt'anak manq'apxarakisma,
Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.
Aka warminakasti tawaqutpach jan wali sarnaqañanakaru katuyasipxäna; Egipto uraqinsti ñuñunakapsa llawq'ayasipxakïnwa, ukham sarnaqasaw q'uma kankañap q'añuchjapxäna.
Egiptonkkän ukkhatpacha q'añu lurir warmiru tukuwayxäna, uka jan wali sarnaqañanakapsti janipuniw apanukkänti. Jupax tawaqükän ukkhatpacha, walja chachanakaw jupampi ikintapxäna, q'uma kankañap q'añuchjapxäna, walja chachanakampi sarnaqir warmiru tukuyasa.
“Ukxarusti kawkïr israelita jaqitixa, jan ukax yaqha markat jutasin jumanak taypin jakir jaqisa mä wilañcha luqtani,
naya pachpaw uka jaqirux wila masinakapamppach mutuyä, markapatsa apanukurakïwa. Janiw jupa saparukit apanukkäxa, jan ukasti, taqi khitinakatix Moloc diosar yupaychapkäna ukanakaruw apanukü.
“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”
“Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,
Nayax sistwa, Diosar jan uñt'irinakax supayanakaruw wilañcha luqtasipki, janiw Diosar luqtapkiti, nayax janiw jumanakan uka ñanqha supayanakamp chikachasipxañam munkti.
Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.
jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.
Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.
Ñanqha ajayunakaruw wilañchanak luqtapxäna, jan uñt'at k'ari diosanakaru, jichha uñstir machaq diosanakaru, awkinakapas ukanakar jan yupaychapxirïki ukaru.
Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.