Levítico 16:6 - Qullan Arunaka DC Jupan kipka juchapat uka urqu vaca wilañchat luqtani, ukhamat jupan juchapasa, wila masipan juchanakapas pampachatäñapataki. Aymar Bibliia 1986 Jupan quipca juchapatwa mä vaca sacrificiot loktaraquini, uqhamat jupan pachpa juchanacapata, uqhamarac familiapan juchanacapatsa pampachatäña jicjjatañapataqui. Qullan Arunaca Jupan quipca juchapatwa mä vaca sacrificiot loktaraquini, uqhamat jupan pachpa juchanacapata, uqhamarac familiapan juchanacapatsa pampachatäña jicjjatañapataqui. |
Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.
Sadoc chachat saraqir levita sacerdotenakarusti, khitinakatix nayar luqtiri jak'achasiniñapäki ukanakarux, mä urqu vaca churapxäta, jucha luratanakat nayar mä wilañcha luqtaniñapataki. Naya, Tatituw uk arsta.
Paqallqu uruw ukham lurapxani, ukat kimsaqallqüri urut nayraqatarusti nakt'at luqtäwinak katuyaña, sumankañ wilañchanak luqtañ qalltapxani. Ukapachaw nayax taqi chuymampi uka wilañcha luqtatanakam katuqapxarakïma. Naya, Tatituw uk arsta” sasa.
Aaronasti uka qullan chiqarux mä urqu vaca irpt'ataw mantañapa, ukasti jucha luratat wilañcha luqtañatakiwa, ukhamarak mä urqu ovejampi, ukasti taqpach nakt'ayas luqtañatakirakiwa.
Uka qhipatsti uka pä urqu cabrito Tatitur katuyxani Tatitump Jikisiñ Carpa nayraqatana;
Moisesasti Aaronarux sarakïnwa: “Altarar jak'achasinim, ukatsti kuntix juchamata, israelitanakan juchanakap pampachatäñatak wilañcha luqtkäta uka uywxa, nakt'at waxt'a luqtam. Ukatsti kunjämtix Tatitux sisktam ukhamarjam israelitanakan waxt'anakap luqtarakim, ukhamat juchanakapan pampachatäñapataki” sasa.
Janiw maynïr jilïr sacerdotenakjamäkiti, uywanak jiwayasin wilañchanak sapür luqtañapataki, nayraqatax jupanakan pachpa juchanakapata, ukxarusti jaqin juchanakapataraki. Ukampis Jesusax mä kutikiw wiñayatak jupa pachpa luqtasiwayi.
Cristox uka qullan chiqaruw manti, janiw cabritonakana, vaca qallunakan wilap luqtir mantkiti, jan ukasti, jupan pachpa wilap luqtiriw manti; mä kutikiw wiñayatak manti, ukatsti jiwasatakix wiñay qhispiyasiñ jikxati.
Ukampis Qullanan Qullanap chiqarux Jilïr sacerdotekiw maran mä kuti mantäna; ukawjarux uywanakan wilap apapxañapänwa, jupa pachpan juchapata, jaqinakan juchanak luratapat luqtañataki.