Nayrïr ovejamp chiksti, sumïr jak'uta pä kilo jak'umpi, mä litro oliva aceitempi chapt'at luqtäta, ukxarusti mä litro vinompiw warxatäta, waxt'äkaspas ukhama.
Levítico 14:10 - Qullan Arunaka DC “Kimsaqallqu ururusti jan kunas kamacht'at pä urqu ovejampi, marani mä qachu ovejampi, suxta kilo chikatan aceitempi chapt'at suma jak'umpi, ukxarusti niya chikat litro aceitempi, taqi ukanaksti waxt'a luqtañatak apaniñapawa. Aymar Bibliia 1986 “Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna. Qullan Arunaca “Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna. |
Nayrïr ovejamp chiksti, sumïr jak'uta pä kilo jak'umpi, mä litro oliva aceitempi chapt'at luqtäta, ukxarusti mä litro vinompiw warxatäta, waxt'äkaspas ukhama.
“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,
“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,
Kawkïri sacerdotetix q'umachkani ukasti, q'umachatäkani uka jaqiru, kuna waxt'anaktix luqtañatak apankani ukanakampirux, Tatitump Jikisiñ Carpar mantañäkis uka nayräxaruw uchani, Tatitun nayraqataparu;
ukatsti maynïr urqu ovejampi, uka chikat litro aceitempi katusaw jucha luratat mä wilañchäkaspas ukham luqtani, kunjämtix Tatitur luqtañäki ukham lurasa.
“Q'umachaskani uka jaqitix wali t'aqhin jakani, janirak qullqipas taqpach jikxatañatak utjarapkani ukapachasti, mä urqu ovejak jucha luratat wilañcha luqtañatak apanini, uksti mä suma waxt'äkaspas ukham juchanakapat pampachatäñ jikxatañatakiw luqtani, ukxarusti aceitempi chapt'ata pä kilo suma jak'u apanini, ukax granonakat mä waxt'a luqtäwïkaspas ukhama, niya chikat litro aceitempi,
“Kunapachatix maynix granonakat wakichata mä luqtäwi Tatitur luqtañatak apanini ukkhaxa, suma jak'ükis ukat apaniñapawa, ukxarusti aceitempi, inciensompi warxatt'atäñapawa.
“Janipuniw jumanakax Tatitur luqtañatak grano achunakat wakichat waxt'arux levadura uchapxätati. Janipuniw kuna levadurasa, misk'isa Tatitur luqtat waxt'jamax nakhantayatäñapäkiti.
“Taqi granonakat wakichat waxt'amarux jayuñchapunïtawa, jayux Tatitumpi suma arust'äwir mantat unañchäwïtap layku.
Ukhamarus pusi kilo chikatani aceitempi chapt'ata suma jak'u apanipxarakïta, ukasti Tatitutak nakt'ayas suma q'apkir luqtatäñapataki. Warakipt'añatak mä waxt'äwjamsti, mä litro vino churapxarakïta.
“Uka jaqitix jucha luratapat luqtañatak mä oveja apanini ukapachax jan kamacht'at qachu oveja apanini.
Kimsaqallqu uru saraqatarusti, Moisesax Aaronampiru, yuqanakapampiru, taqi jilïri jaqinakampiruw jawsäna,
Uka wilañchanakamp chikax, suma jak'u aceitempi chapuntat waxt'xa, akham lurapxäta: sapaqat vaca qallutxa, suxta kilo jak'u, sapaqat urqu ovejatxa, pusi kilo jak'u,
ukatsti Tatiturux jan kuna kamacht'at mä maran urqu oveja taqpach nakt'ayas luqtani; uka kipkaraki, jan kuna kamacht'at mä maran urqu oveja jucha luratat pampachäwi jikxatañatak wilañcha luqtani, ukatsti jan kuna kamacht'at urqu oveja sumankxañatak wilañcha luqtarakini.
Jesusasti juparux sarakïnwa: —Jan khitirus uk yatiyamti, jan ukasti sacerdoter uñachayasir saram, ukatsti Moisesan yatichäwiparjam mä luqta churam, ukhamat sacerdotenakan nayraqatapan k'umaräxatam uñstañapataki —sasa.
—Ist'am, janiw khitirus kuns arsütati, ukatsipan sacerdoter uñstir sarañamakiw wakisi, k'umaraptatamatsti, Moisesan arsutaparjam mä waxt'a churam, sacerdotenakasti ukhamat juman k'umaraptatam yatipxani —sasa.
Jesusasti juparux iwxt'änwa: —Janiw khitirus uk yatiyätati, jan ukasti sacerdoter uñstir saram. Kunjämatix Moisesan arsutaparjam k'umaraptasin luqta churañäkix ukham churam, ukhamat sacerdotenakan usumat k'umaräxatam yatxañapataki —sasa.
Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!
Diosax churki uka t'ant'ax alaxpachat saraqani, jupasti akapacharux jakañ churaraki —sasa.
Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.
jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.