Levítico 11:10 - Qullan Arunaka DC

Ukampis kawkïrinakatix jan chhiqhanakanïkani, janirak k'ilinakanïkani uka animalanakxa, janiw manq'apxañamäkiti, jach'a qutana, jan ukax jawir umanakan utjirinakäskpasa. Ukanakarusti jan wali animalanakat uñt'apxañamawa, jiwat janchip uñxatasas axtasipxañamawa.

Aymar Bibliia 1986

Ucampisa cawquïri animalanacatejj jan chhekhanacanïcani, janiraqui q'ili ch'aqhanacanïpcanisa uca animalanacsti apanucupjjätawa, jach'a kotana jan ucajj jawiranacana utjiri animalanacäscpasa, jach'a animalanacsa jan ucajj jisc'a animalanacsa apanucjjapjjañamawa.

Qullan Arunaca

Ucampisa cawquïri animalanacatejj jan chhekhanacanïcani, janiraqui q'ili ch'aqhanacanïpcanisa uca animalanacsti apanucupjjätawa, jach'a kotana jan ucajj jawiranacana utjiri animalanacäscpasa, jach'a animalanacsa jan ucajj jisc'a animalanacsa apanucjjapjjañamawa.

Levítico 11:10 Jak'a apnaqawi uñst'ayäwi

Génesis 1:20

Ukxarusti Diosax sarakïnwa: “Umanxa kunayman jakir animalanak utjpan, uraqinxa alayanjam thuqnaqir jamach'inakas utjarakpan” sasa.

Proverbios 13:20

Yatiñan jaqinakamp chika sarnaqirix, yatiñ kankañ yatiqani; jan amuyt'an jaqinakamp chika sarnaqiristi, aynacht'añaruw purini.

Proverbios 29:27

Aski jaqinakax, jan wali jaqinakarux uñisiwa; ñanqha lurir jaqinakasti, aski jaqinakarux uñisirakiwa.

Levítico 11:9

“Kawkïri animalanakatix qutansa, jan ukax jawiranakansa jakapki ukanakatxa, kawkïrinakatix chhiqhanakanïpki, k'ilinakanïpki ukanakak manq'apxäta.

Levítico 7:18

Ukampisa maynitix uka sumankthapiñataki wilañcha luqtatäki uka uywan aychap kimsïr urunsa manq'askakinixa, uka wilañchax janiw katuqatäkxaniti, janirakiw uka luqtatax kunatakis askïkxaniti; uka aychasti jan kunatak aski uñjatarakïniwa. Khititix uka aycha manq'kani ukasti juchanit uñt'atäxaniwa.

Deuteronomio 14:10

ukampis jan chhiqhanïki, janirak k'ilinïki uka animalanak janiw manq'apxätati; ukarusti q'añut uñt'apxäta.

Deuteronomio 14:3

Moisesasti saskakïnwa: “Jan jumanakax kuna q'añunaksa manq'apxamti.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.