Levítico 10:7 - Qullan Arunaka DC

Tatitump Jikisiñ Carpatsa janiraki jayarux sarapxamti, jan jiwarapxañamataki, jumanakasti Tatitun aceitepampi jupar katuyatäpxtawa —sasa. Ukatsti, kunjämtix Moisesax siskäna ukhamarjamaw phuqhapxäna.

Aymar Bibliia 1986

Tatitumpi Jiquisiñ Carpatsa janiraqui jayaru sarapjjamti, jan jiwarapjjañamataqui, jumanacasti Tatitun aceitepampi juparu catuyatäpjjtawa uca laycu. Ucatsti cunjämtejj Moisesajj siscäna uqhamarjamaw phokhapjjäna.

Qullan Arunaca

Tatitumpi Jiquisiñ Carpatsa janiraqui jayaru sarapjjamti, jan jiwarapjjañamataqui, jumanacasti Tatitun aceitepampi juparu catuyatäpjjtawa uca laycu. Ucatsti cunjämtejj Moisesajj siscäna uqhamarjamaw phokhapjjäna.

Levítico 10:7 Jak'a apnaqawi uñst'ayäwi

Éxodo 28:41

“Uka isinakampiw Aarón jilamarusa, wawanakaparus isithapiyäta, ukatsti aceitempiw p'iqit warxatäta ukhamat jilïr kankañanïpxani, nayan sacerdotenakaxar tukuyas luqtarakïta.

Éxodo 29:7

Luqtañ aceite aptasin, ukampiw Aaronan p'iqipat warxatäta, ukhamat Diosar luqtat sacerdotëñapataki.

Éxodo 30:30

“Uka aceitempiw Aaronampiru, wawanakapampirux warxatarakïta, nayan sacerdotenakaxar tukuñapataki.

Levítico 10:8

Ukampis Tatitux Aaronampiw parläna; akham sarakïnwa:

Levítico 21:12

Tatitun qullan utapatsti janipuniw mistuñapäkiti, janirakiw uka qullan utsa jisk'achayañapäkiti, jupxar luqtañ aceitempi warxatatätap layku. Nayätwa Tatituxa.

Levítico 8:12

Ukxarusti Moisesax Aaronan p'iqipxaruw uka aceitempix warxatäna, ukhamat sacerdotet Tatitur luqtxañataki.

Levítico 8:30

Ukatsti Moisesax jank'akiw kuna aceitetix Tatitur luqtasiñatak uskutäkän uk aptäna, kuna wilatix altar patxankkäna ukampi, ukatsti ukanakampiw Aaronaru, ukhamarak yuqanakaparux ch'allt'äna, uka kipkaraki jupanakan sacerdote isinakapxarusa. Aaronaru, wawanakaparu, uka kipkarak sacerdote isinakaparus ukham Tatitur luqtxäna.

Lucas 9:60

Jesusax juparux saskakïnwa: —Jiwatanakax jiwat masipar imaskpan sama; jumasti saram, ukatsti Diosan qhapaq markapat yatiyanim —sasa.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

2 Corintios 1:21

Ukatsti Diosaw nanakarusa, jumanakarus Cristompi mayachasax sum sayt'ayistu, jupaw yaqhacharakistu.