Levítico 1:13 - Qullan Arunaka DC Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki. Aymar Bibliia 1986 Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa. Qullan Arunaca Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa. |
Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.
Ukxarusti, jariñatakix broncet tunka lamananak lurayarakïna, ukatsti kupïxarux phisqa uchayäna, ch'iqäxarusti phisqarak uchayäna. Uka uma uchañanakansti kunatix nakt'at luqtäwinakan apnaqaskän ukanak jaripxirïna; ukampis jach'a uma uchañäki ukasti sacerdotenakan jarisipxañapatakïnwa.
Mä utaw utjarakïna, uka utax mantaniñ tuqinkki ukampix mayakïnwa. Uka utan sacerdoten yanapirinakapax wilañcha luqtañatak uywanak jariqapxirïna.
Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.
“Janipuniw jumanakax Tatitur luqtañatak grano achunakat wakichat waxt'arux levadura uchapxätati. Janipuniw kuna levadurasa, misk'isa Tatitur luqtat waxt'jamax nakhantayatäñapäkiti.
Uksti Aaronan sacerdote yuqanakapan ukaruw aparakini, sacerdotesti aceitempi, inciensompi warxatatäkis uka jak'u jach'xatasin altarxar nakhantayxani, ukatsti Tatitutakix amtaskañatak mä suma q'apkiri waxt'ar uñtatäniwa.
Sacerdotenakaw taqi uka lik'inak altarxar nakhantayapxani, kawkhantix altarxan nakhantayatäñatak luqtäwix nakhaski ukxar apxatasa, ukasti Tatitutakix mä suma q'apkir waxt'äniwa.
Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti altarxaruw nakt'ayxani Tatitutak suma q'apkiri waxt'ata, ukhamat sacerdotex uka jaqitakix juchapat pampachatäñ jikxatani, uka jaqin juchapasti pampachatäxarakiniwa.
14 (7) “Aka yatichäwinakasti granonakat waxt'a luqtäwinakxat yatichäwinakawa: Sacerdotenakax altar nayräxan Tatit nayraqatan luqtapxani.
ukatsti uka ovejan jiphillanakapa, chhuchhullinakap jariqxarakïna, taqi ukanaksti, Tatitutakix mä suma waxt'äkaspas ukham altarxarux nakt'ayxäna, kunjämtix Tatitux Moisesar siskatayna ukhamarjama.
ukatsti nayar jach'añchas mä urqu vaca, jan ukax, mä ovejsa luqtapxitäta suma q'apkir wilañcha nakt'ayañataki, kuntix arsupkta ukanak phuqhasa, jan ukax, chuymanakamatjam waxt'a churasa, jan ukax, mä uruyäwi uruyasasa ukapachaxa,
khititix waxt'a churkani ukax, mä litro aceitemp chaputa suma jak'ut pä kilo yapt'ani.
“Sapa phaxsit qallta uru saraqkipan Tatiturux nakt'ayat waxt'a luqtapxäta, pä vaca qallumpi, mä urqu ovejampi, mä maran paqallqu urqu ovejampi, uka uywanakasti jan kuna kamacht'atäñapawa.
Maynïr urqu ovejasti jayp'u tuqiruw wilañcha luqtatäni, ukarusti grano juyra waxt'ampi, vino waxt'ampiw yapt'asini, kamisatix willjtan luqtatäki ukhama. Ukasti Tatitur jach'añchas nakt'ayat mä suma q'apkir luqtawa.
uka chiqansti, Tatit Diosaman altarap patxaruw nakt'at wilañchanakam luqtapxäta, ukatsti kawkïr uywanaktix luqtañatak churapkäta ukanakan wilap Tatit Diosaman altarap patxaruw warakipapxäta, ukat aychap manq'apxäta.