Levítico 1:11 - Qullan Arunaka DC

ukasti Tatitun nayraqatapan altarat amstäxan kharinukutäñapawa. Aaronan sacerdote yuqanakapasti altararuw puspach thiyapat wilampi ch'allakipapxani;

Aymar Bibliia 1986

ucasti qharinucutäñaparaquiwa altarat amstäjjana, Tatitun nayrakatapana. Aaronan sacerdote yokanacapajj altararuwa patata, thiyanacata wilamp ch'ajjchsupjjani;

Qullan Arunaca

ucasti qharinucutäñaparaquiwa altarat amstäjjana, Tatitun nayrakatapana. Aaronan sacerdote yokanacapajj altararuwa patata, thiyanacata wilamp ch'ajjchsupjjani;

Levítico 1:11 Jak'a apnaqawi uñst'ayäwi

Éxodo 24:6

Moisesasti chikat wila katuqasin lamananakaruw warantäna, chikat wilampisti altararuw ch'allsurakïna.

Éxodo 40:22

Ukxarusti mesa ucharakïna Tatitumpi Jikisiña Carpa manqharu, qullan chiqawjat amsta tuqiru, velo cortinat anqäxaru.

Ezequiel 43:18

Ukatsti Tatitux sarakituwa: “Uka altar luraskani ukapachasti, akanakaw phuqhasiñapa: Altarxarusti mä uywa nakhantayapxäta, nakt'at luqtäwïkaspas ukhama, ukatsti wilampiw uka altarxa ch'allakipapxäta.

Ezequiel 8:5

Jupasti sarakituwa: “Amsta tuqir uñtam” sasa. Nayasti amsta tuqiruw uñtta, mantañawjansti, altar jak'ankki uka punku chiqan, Tatitur q'apisiyiri ídolo uñjarakta.

Levítico 1:5

Urqu vacarux Tatitun nayraqatapan kharinukuni; ukxarusti Aaronan sacerdote yuqanakapaw wila luqtapxani, ukatsti Tatitump Jikisiñ Carpar mantañawjan altaran thiyanakaparuw ch'allakipapxani.

Levítico 14:13

Uka urqu ovejsti kawkhantix wilañcha luqtañataki uywanakax kharinukusirïki ukkhan kharinukxañapa. Sumankthapiñataki, ukhamarak jucha luratat wilañchanak luqtäwisti sacerdotetakïniwa, ukanakan qullana yänakätap layku.

Levítico 4:29

Ukatsti uka cabran p'iqipxaruw amparap luqxatani, ukat kawkhantix uywanakax nakhantayañatak kharinukutäki ukkhan kharinukxani.

Levítico 6:25

25 (18) “Aaronampiru, sacerdote yuqanakapampirux, jucha luratat wilañcha luqtañxat aka yatichäwinak churam: Kuna uywtix jucha luratat luqtapkani ukax Tatitun nayraqatapan kharinukutäñapawa, kawkhantix nakhantayañatak luqtäwix luraski uka chiqana, ukasti wali qullanapuniwa.

Levítico 7:2

Yatkasin pantjasïwi jucha luratanakat luqtat uywax, kawkhantix nakt'ayañatak luqtat uywanakax kharinukuski uka chiqan kharinukusini, wilapampisti uka altaran thiyapar taqi tuqit ch'allsutäñapawa.

Levítico 8:19

Ukat Moisesax uka oveja kharinukxäna, uka ovejan wilapsti altar muytaruw waratatxäna,