Jueces 8:11 - Qullan Arunaka DC Gedeonasti wasar thiya sarki uka thakhinjam sarantäna, Nóbah, Jogbehá markanakata inti jalsu tuqi chiqa, ukatsti akatjamat jupanakan campamentoparux katuntäna. Aymar Bibliia 1986 Gedeonasti maqhatcatänwa wasarnäma muycatqui uca thacnäma, Noba, Jogbeha sat chekata inti jalsu toknäma, uñisirinacapan campamentoparu nuwantañataqui, jupanacasti ucjja janiw suyapcänti. Qullan Arunaca Gedeonasti maqhatcatänwa wasarnäma muycatqui uca thacnäma, Noba, Jogbeha sat chekata inti jalsu toknäma, uñisirinacapan campamentoparu nuwantañataqui, jupanacasti ucjja janiw suyapcänti. |
Nóbah chachan tamapankir jaqinakax Quenat uraqi katuntasipxäna, uka thiyanakan utjir markanakamppacha, uka uraqirusti Nóbah sutipampiw uchapxäna.
Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.
Micaías chachax lurkatayna uka yänak apt'ata, ukhamaraki sacerdoteparu irpasa, ukatsti Lais chiqaruw puripxäna. Ukansti jaqinakax wali kusisitakiw jakasipkäna, ukhamaruw danita jaqinakax taqi ukankirinakar espadampkama jiwarayapxäna, marksa ninampiw phichhantapxäna.
Zébah, Salmuná reyinakax tunka phisqan waranqa jaqinakampiw Carcor chiqankasipkäna, inti jalsu tuqinkir ejercitot ukkhakiw jilt'xäna, jupanakat patak pä tunkan waranqaw jiwarapxatayna.
Zébah, Salmuná reyinakax jaltxapxänwa, ukampis Gedeonax arktasin jupanakar katuräna, uk uñjasinsti madianitanakan ejercitopax wali axsarayasïna.
Ukspachaw Samuelux sarakïna: —Amalecita jaqinakan Agag reyip akar irptanirapipxita —sasa. Agag reyisti jan kunakiw Samuel nayraqatarux uñstäna, juparux janiw khitis jiwaykxaniti ukham amuyäna.
Ukatsti, kawkhankapkäntix uka lunthatanakax ukakamaw irpäna, jupanakasti, taqi uka pampan aywitatatäsipkänwa, ukan manq'asipkäna, umasipkäna, ukhamarak jach'a phunchhäwi lurasipkäna, taqi kunanaktix jupanakax filisteonakan uraqipata, Judá uraqitsa lunthatanipkatayna ukata.