Jueces 6:2 - Qullan Arunaka DC

Madianita jaqinakax wali ch'amampiw israelitanakar t'aqhisiyäna, israelitanakasti axsarañat qullunakaru, putunakaruw imantasiñanak lurasipxäna, jan uñjkay chiqanakaru, ukhamat jan jikxatayasiñataki.

Aymar Bibliia 1986

Ucampis madianitanacana wali t'akhesiyata uñjasisasti, israelitanacajj ajjsarañatjja imantasiñwa lurasipjjäna kollunacaru, orak p'iyanacaru, yakha jan uñjcañ chekanacaru jan jicjjatayasiñataqui.

Qullan Arunaca

Ucampis madianitanacana wali t'akhesiyata uñjasisasti, israelitanacajj ajjsarañatjja imantasiñwa lurasipjjäna kollunacaru, orak p'iyanacaru, yakha jan uñjcañ chekanacaru jan jicjjatayasiñataqui.

Jueces 6:2 Jak'a apnaqawi uñst'ayäwi

Job 30:6

qarqa putunakana, q'awanakana, qarqanak taypin jakapxañapäna;

Jeremías 41:9

Kawkïr phuch'urutix Ismael jaqix uka jiwarat jaqinakan janchinakap jaquntkäna ukasti, Asá sat reyin lurayasit pachpa phuch'ünwa, uksti Baasá sat Israelan reyipax jupampi nuwasir sarkatayna ukat jark'aqasiñatakïnwa. Uka phuch'usti wali jach'änwa, ukampis khitinakarutix Ismael jaqix jiwaraykatayna uka jiwatanakan janchipampi phuqhantatäxänwa.

Jeremías 48:28

Moab uraqinkir jaqinaka, aka markanak apanukuwayxapxam; palomanakjam qarqanak taypir jakir sarxapxam, qarqa pata lakanakarurak tapachasipxam.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Hebreos 11:38

Akapachax janiw jupanakatakix askïkänti; wasaranakana, qullunakana, putunakana, uraq p'iyanakan khuy aka sarnaqapxäna.

Apocalipsis 6:15

Akapach reyinakasa, munañan jaqinakasa, qamirinakasa, jilïr militaranakas qarqa p'iyanakaruw imantasxapxäna, uywat jaqinakampi, antutat sarnaqasir jaqinakamp chika.

Jueces 10:8

Uka urutsti filisteonakampi, amonitanakampix tunka kimsaqallqun maraw israelitanakarux walpun t'aqhisiyäna, khitinakatix Galaad chiqana, Jordán jawirat mayskatana, amorreonakan uraqipan jakapkän ukanakaru.

Jueces 10:9

Amonita jaqinakasti Jordán jawir makhatapxäna, Judá, Benjamín, Efraín ayllunkirinakamp nuwasiñataki, israelitanakax jan walt'añanpun jikxatasipxäna.

Jueces 6:3

Israelitanakax yapuchapkän ukapachaxa, madianitanakampi, amalecitanakampi, inti jalsu tuqinkir jaqinakampiw jupanakar nuwantir juntantapxäna.

1 Samuel 13:6

Israelitanakasti jan walt'añan jikxatasipxäna, filisteonakan jupanakar nuwantatap laykusti putunakaru, uraqi p'ujrunakaru, qarqa taypinakaru, q'awanakaru, phujunakaruw imantasipxäna.

1 Samuel 14:11

Ukhamaw jupanakax filisteo soldadonakampix panpachani uñjayasipxäna. Soldadonakasti uñjasax sapxänwa: “Uñtapxam, israelitanakax kawkïri putunakarutix imantasipkäna ukanakat misturanxapxiwa” sasa.