Jueces 3:6 - Qullan Arunaka DC israelitanakan yuqanakapasa, phuchhanakapasa, uka markanakankir jaqinakan yuqanakapampi, phuchhanakapampiw jaqichasipxäna, ukatsti diosanakaparuw yupaychapxarakïna. Aymar Bibliia 1986 Ucatsti israelitanacana yokanacapasa, phuchanacapasa casarasjjapjjänwa uca marcanacanquir jakenacan yokanacapampi, phuchanacapampi, ucatsti diosanacaparuraquiw yupaychapjjaraquïna. Qullan Arunaca Ucatsti israelitanacana yokanacapasa, phuchanacapasa casarasjjapjjänwa uca marcanacanquir jakenacan yokanacapampi, phuchanacapampi, ucatsti diosanacaparuraquiw yupaychapjjaraquïna. |
“Janiw kuna amtäwirus uka uraqin jakir jaqinakamp mantapxätati, jupanakax diosanakapar yupaychasina, wilañcha luqtatanak jumanakar churapxiristam, jumanakax uka diosanakar luqtat waxt'anak manq'apxarakisma,
jan ukax, phuchhanakap jumanakan yuqanakamampiw jaqichapxaspa, ukatsti juchanak lurasa diosanakapar yupaychapxaspa ukapachasti, diosanakaparuw yuqanakamax yupaychapxarakispa.
Ukatsti sarakim: ‘Tatitux akham siwa: Jerusalén marka, jumax cananea uraqin yurirïtawa, awkimax amorreo jaqiwa, taykamasti hitita warmirakiwa.
Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.