Jueces 3:2 - Qullan Arunaka DC

Ukat Tatitux khitinakatix janipun nuwasïwinakankañ yatipkäna, ukanakan nuwasiñ yatiqapxañapatakiw jupanakar qhiparayäna.

Aymar Bibliia 1986

Diosasti uqhamjja kheparayänwa qhitinacatejj nuwasiñanacana, jan nuwasipcäna, ucanacana nuwasiña yatekapjjañapataqui.

Qullan Arunaca

Diosasti uqhamjja kheparayänwa qhitinacatejj nuwasiñanacana, jan nuwasipcäna, ucanacana nuwasiña yatekapjjañapataqui.

Jueces 3:2 Jak'a apnaqawi uñst'ayäwi

Génesis 2:17

ukampisa askimpi, ñanqhampi yatiñ churir quqat janiw manq'ätati. Uka quqan achunakap jan manq'amti, manq'äta ukapachasti, chiqpachan jiwäta” sasa.

Génesis 3:5

Diosax sum yati, kunapachatix jumanakax uka quqan achunakapat manq'apxasma ukkhaxa, kunatix askïki, kunatix ñanqhäki ukanak yatipxasma, ukatsti Diosjamäpxasmawa —sasa.

Génesis 3:7

Ukspachaw jupanakan nayranakapax jist'artäna, ukatsti panpachaniw q'alaläsipkatap amuyasipxäna. Ukhamasti higo quqan laphinakap ch'ukthapipxäna, ukampirakiw imxatasipxäna.

2 Crónicas 12:8

ukampis jupanakax uka reyin apnaqataw uñjasipxani, ukat yatipxani, kunjämas nayar luqtañaxa, kunjämas yaqha markanakan reyipar luqtañaxa uka” sasa.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

1 Timoteo 6:12

Iyawsäwin nuwasiñäki ukatak wakicht'asim; janipun wiñay jakañ chhaqhayasimti, Diosasti ukatakiw jawstam, jumasti ukarak Diosar iyawsatamat taqinin nayraqatapan arsusktaxa.

2 Timoteo 2:3

T'aqhisiñanakamansti Jesucriston chiqpach soldadopjam t'aqhisim.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.

Jueces 3:1

Tatitux aka markanak Canaán uraqiru qhiparayäna, kawkïr israelitanakatix Canaán uraq katuntasiñatak nuwasipkän ukkhax, janïr yuripkatayna ukanakar yant'añataki.

Jueces 3:3

Filisteonakan phisqa jilïrinakapaw qhiparäna, taqpach cananeo jaqinaka, sidonio jaqinaka, Líbano qullunakan jakir heveo jaqinaka, Baal-hermón qullut qalltasa Hamat chiqakama.