Jueces 18:10 - Qullan Arunaka DC Ukawjar purisinsti jaqirux wali kusisita, jach'a uraqinakani jikxatapxäta, jupanakarux janiw kunas pist'kiti. Diosaw uka uraqinak churapxätam —sasa. Aymar Bibliia 1986 Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa. Qullan Arunaca Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa. |
Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.
Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!
kunjämtix Seír chiqan jakir Esaú chachan wawanakapasa, Ar chiqan jakir moabita jaqinakas sarakipt'ayapkitu ukhama, Jordán jawir khurkatar makhatañkama, ukhamat kawkïri uraqtix nanakan Tatit Diosaxax churapkitani ukar puriñataki’ sasa.
Moisesasti saskakïnwa: “Jichhasti Israelit jaqinaka, yatichapksma uka kamachi arunak ist'apxam, uka kamachi arunakarjam phuqhas sarnaqapxarakim, kawkïri uraqtix nayra awkinakaman Tatit Diosapax churapkätam ukan jakapxañamataki.
Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.
Ukatsti uka pani uñaqanakax qullunakat saraqanxapxäna, Jordán jawir makhatasinsti Josué chachan ukaruw sarapxäna, kunanakatix luraskatayna ukanak yatiyapxäna.
Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.
Kunapachatix sacerdotenakax paqallqu kuti trompetanak phust'apkän ukkhasti, Josué chachax jaqinakaruw säna: “¡Taqi ch'amamp art'apxam! Tatituw jumanakarux aka marka katuyapxtam.
Ukatsti Sorá, Estaol chiqanakat Dan ayllunkiri jaqinakax suxta patakaniw nuwasiñatak wali wakicht'ata mistuwayapxäna,
Micaías chachax lurkatayna uka yänak apt'ata, ukhamaraki sacerdoteparu irpasa, ukatsti Lais chiqaruw puripxäna. Ukansti jaqinakax wali kusisitakiw jakasipkäna, ukhamaruw danita jaqinakax taqi ukankirinakar espadampkama jiwarayapxäna, marksa ninampiw phichhantapxäna.
Uka chiqawjatsti, uka phisqa uñaqanakax Lais markaruw sarxapxäna. Uka markan jakir jaqinakax Sidón markankirïpxänwa, jupanakasti kusisitakiw sumankañan jakasipxäna; janiw khitis kunsa kamskänti, janirakiw kunas jupanakar pist'känti. Sidón markapat jayan jakapxäna, janiw khitimpis parlapkänti.
—Nanakax taqi uka chiqa uñjanipxta, uraqisti wali sumawa. ¡Sarantapxañäni! ¡Jupanakar katuntir sarapxañäni! ¡Janiy ukhamak qunurapxamti! ¡Wakisiw uka uraqinak katuntir sarañasaxa!