Judá chiqankirinakasti jupanakarux jiskt'apxänwa: —¿Kunatsa nanakampi nuwasir jutapxta? —sasa. Jupanakasti sapxänwa: —Sansonar katjiriw jutapxta, kuna jan walinaktix jupax lurapkitu ukanak phuqhañapataki —sasa.
Jueces 15:9 - Qullan Arunaka DC Filisteonakasti jutasin Judá chiqaruw utjnuqtapxäna, Lejí chiqakam purisina, Aymar Bibliia 1986 Filisteonacajja jutasinjja Judá orakenacata Lehi satcamaw campamentonacapa sayt'ayasipjjäna. Qullan Arunaca Filisteonacajja jutasinjja Judá orakenacata Lehi satcamaw campamentonacapa sayt'ayasipjjäna. |
Judá chiqankirinakasti jupanakarux jiskt'apxänwa: —¿Kunatsa nanakampi nuwasir jutapxta? —sasa. Jupanakasti sapxänwa: —Sansonar katjiriw jutapxta, kuna jan walinaktix jupax lurapkitu ukanak phuqhañapataki —sasa.
Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;
Uka arunak arsusinsti, uka änkha ch'akhxa jaqunukxänwa. Ukat uka chiqax Ramat-lejí sutimpi uchata, ukasti “Änkha ch'akhan qullupa” sañ muni.
Tatitusti Lejí chiqan mä p'iyat um jalsuyäna, Sansonasti uka jalsur umat umt'asinxa, jakatatänwa. Ukat jichhürkamasa Lejí chiqankki uka uma jalsux En-hacoré sas sutichata, ukasti “Achikt'asirin uma jalsupa” sañ muni.
Ukspachaw wali q'apisita jupanakar katuntäna, ukatsti jupanakat waljaniruw jiwarayäna. Uka qhipatsti Etam chiqankir qarqa putur jakiriw sarxäna.