Juan 9:35 - Qullan Arunaka DC

Jesusax uka juykhur jaqunukupxatap yatïna; jupamp jikisisinsti, jiskt'änwa: —¿Jumax Diosan Yuqapar iyawstati? —sasa.

Aymar Bibliia 1986

Jesusajj juyqhur jaksupjjatapjja yatïnwa. Jicjjatasinsti juparojj sänwa: —¿Iyawstati jumajj Diosan Yokaparojja? —sasa.

Qullan Arunaca

Jesusajj juyqhur jaksupjjatapjja yatïnwa. Jicjjatasinsti juparojj sänwa: —¿Iyawstati jumajj Diosan Yokaparojja? —sasa.

Juan 9:35 Jak'a apnaqawi uñst'ayäwi

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Salmos 27:10

Awkixas, taykaxas apanukchitani, juma, Tatituw nayar uywasiskitäta.

Mateo 14:33

Ukapachaw botenkirinakax killt'asisin Jesusarux sapxäna: —¡Jumax chiqpachapuniw Diosan Yuqapätaxa! —sasa.

Mateo 16:16

Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Mateo 4:3

Supayasti Jesusar yant'añatakiw jak'achasïna, akham sasa: —Jumatix Diosan Yuqapästa ukaxa, aka qalanakar t'ant'ar tukuyam —sasa.

Marcos 1:1

Diosan Jesucristo Yuqapxata suma yatiyäwi arunakax akhamat qallti.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 1:34

Nayasti uñjtwa, uk arsurakta: Jupapï Diosan Yuqapaxa.”

Juan 10:36

Dios pachpatix nayar ajllisin akapachar khithanchitu ukaxa, ¿kunatarak jumanakasti “nayax Diosan Yuqapätwa” sataxampi Diosarus ñanqhachkirista ukham amuyapxtasti?

Juan 11:27

Martasti sarakïnwa: —Jïsa Tatay, jumax Diosan Yuqapa, Cristötawa, khititix akapachar jutañapäkän ukätawa —sasa.

Juan 20:28

Ukatsti Tomasix sänwa: —¡Tatituxay, Diosaxay! —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

Juan 5:14

Uka qhipatsti Jesusax uka jaqirux Tatitun utapan jikxatäna, ukat juparux sarakïna: —Jichhax k'umaräxtawa, jan wasitat juch lurkxamti, jan ukasti, juk'amp jan waliruw purisma —sasa.

Juan 6:69

Nanakax iyawsxapxtwa, jumax jakkir Diosan Yuqapa Cristötam yatipxarakta —sasa.

Juan 9:22

Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Juan 9:34

Ukatsti juparux sapxarakïnwa: —Jumax juchan phuqt'ataw yurtaxa, ¿ukhamäkasati nanakar yatichañ munapxista? —sasa. Uk sasin jupar sinagogat jaqunukupxäna.

Hechos 8:36

Thakhinsti, uma chiqäwja sarkasaw uka etiope jaqix säna: —Akaxay umaxa; ¿kunarak bautismo katuqañaxatak jark'itaspasti? —sasa.

Hechos 8:37

[Felipex jupar sarakïnwa: —Taqi chuyma iyawsasma ukaxa, bautismo katuqasmawa —sasa. Uka jaqisti sarakïnwa: —Nayax iyawstwa, Jesucristox Diosan Yuqapawa —sasa.]

Hechos 9:20

Ukatsti Saulox sinagoganakan Cristot yatiyañ qalltäna: “Jesusax Diosan Yuqapawa” sasa.

Romanos 10:20

Isaías profetasti sarakiwa: “Khitinakatix jan thaqhapkitänxa, ukanakaw nayarux jikxatapxitu; khitinakatix nayat jan jiskt'asipkitänxa, jupanakaruw nayax uñstarakta” sasa.

1 Juan 4:15

Khititix “Jesusax Diosan Wawapawa” sas arski ukax Diosan jaki, Diosasti jupan jakaraki.

1 Juan 5:10

Khititix Diosan Yuqapar iyawski ukaxa, uka qhanañchäwix chuymapankiwa. Jan iyawsiristi Diosarux k'aritjam uñt'ayi, Diosan Yuqap tuqi qhanañchäwi jan iyawsatap layku.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

1 Juan 5:5

Khititix Jesusarux Diosan Wawapätap iyawski ukax akapacharuw atipji.

3 Juan 1:10

Ukat kunapachatix nayax sarkä ukkhaxa, juparux qhankatäwa, jupasti nanakatakix k'ari arunak apnaqasaw sarnaqi. Ukhamarus purinipki uka jilatanakarux janiw katuqkiti, khiti jilatanakatix katuqt'añ munapki ukanakarus jark'iwa, iglesiatsa jaqunukurakiwa.