Juan 9:30 - Qullan Arunaka DC Uka jaqisti jupanakarux sarakïnwa: —¡Akax muspharkañawa! Jumanakax janiw yatipktati kawkit jutatapsa, ukampis nayarux uñjayituwa. Aymar Bibliia 1986 Uca jakesti ucjjarojj saraquïnwa: —¡Acajj muspharcañawa! Jumanacajj janiw yatipctati cawquit jutatapsa, ucampis nayarojj uñjayituwa. Qullan Arunaca Uca jakesti ucjjarojj saraquïnwa: —¡Acajj muspharcañawa! Jumanacajj janiw yatipctati cawquit jutatapsa, ucampis nayarojj uñjayituwa. |
Ukatpï jichhax muspharkañanaka aka markarux uñacht'ayäxa, ukatsti, aka markax muspharataw uñjasini. Yatiñani jaqinakapan yatiñanakapsa, ch'ikhi jaqinakapan amuyt'añanakapsa, q'al chhaqtayäxa.”
Uka urun uqaranakax kuntix jupanakatak maynix ullarkani uk ist'apxani, juykhunakas uñjxapxarakini, jupanakatakix janiw laxa ch'amakas utjkxaniti.
Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.
Jesusasti jupanakarux sänwa: —¿Janipunit kunapachas qillqatanak ullarapkta? Uka qillqatanakasti siwa: ‘Utachirinakan apanukut qalax aski qalaruw tukxi. Tatituw ukham luri, ukat muspharat uñjasipxtan’ sasa.
Jesusasti jupanakan jan iyawsapxatapat llakt'ataw jikxatasïna. Uka qhipat Jesusax uka jak'ankir jisk'a markanakan yatichasaw sarnaqäna.
Ukat Jesusax jupanakar säna: —Sarapxam, ukatsti kuntix uñjapkta, ist'apkarakta ukanak Juanar yatiyanipxam. Kunjämtix juykhunakax uñjki, kayu usutanakas sarnaqki, lepra usuninakas q'umachat uñjaski, uqaranakas ist'ki, jiwatanakas jaktki, jan kunaninakarus qhispiyasiñ arunakax churatäkaraki taqi ukanak yatiyapxam.
Jesusax walja muspharkañanak jupanak nayraqatan lurkchïn ukasa, janiw judionakax jupar iyawsapkänti;
Jesusasti juparux sarakïnwa: —Jumax Israel markan jach'a yatichiripjamax, ¿janit uk yatktasti?
Nanakax yatipxtwa Diosan Moisesar parlatapa, ukampis uka Jesusatxa janiw kawkit jutatapsa yatipkti —sasa.
Yatitawa, Diosax janiw khiti jucharararus ist'kiti, jan ukasti khitinakatix jupar yupaychapki, munañap lurapki ukanakarukiw Diosax ist'i.
Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.