Ukhamasti awkinakaman Tatit Diosap nayraqatan juchanïpxatam uñt'asipxam, Tatitun munañap phuqhapxarakim. Yaqha diosanakar yupaychir jaqinakatsa, anqa markanakankir warminakatsa jithiqtapxam —sasa.
Juan 9:24 - Qullan Arunaka DC Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa. Aymar Bibliia 1986 Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa. Qullan Arunaca Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa. |
Ukhamasti awkinakaman Tatit Diosap nayraqatan juchanïpxatam uñt'asipxam, Tatitun munañap phuqhapxarakim. Yaqha diosanakar yupaychir jaqinakatsa, anqa markanakankir warminakatsa jithiqtapxam —sasa.
Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.
Jesusamp chiksti pani lunthataruw ch'akkatapxäna, maynirux kupïxaparu, maynirusti ch'iqäxaparu.
Ukat fariseonakampi, kamachi yatichirinakampix Jesusar k'umipxäna, sapxarakïnwa: —Aka jaqix juchararanakan masipawa, jupanakampirakiw manq'i —sasa.
Uk uñjasinsti taqiniw k'umipxäna: Jesusax mä jucharar jaqin utaparuw sari, sasa.
Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.
“Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,
Jumanakarux sinagoganakat jaqunukupxätam, yaqhipanakarusti jiwayapxätamwa; uka luratapampix Diosarus luqtapkaspa ukham amuyapxani.
Jupanakasti sapxarakïnwa: —Janitix jach'a juchanïkaspa ukaxa, janiw juman ukar irpanipkiristti —sasa.
Sacerdotenakan jilïrinakapampi, Tatitun utap uñjir soldadonakampisti, Jesusar uñjasin jach'at arnaqañ qalltapxäna: —¡Ch'akkatam! ¡Ch'akkatam! —sasa. Pilatosti jupanakarux sänwa: —Ukhamax jumanakay irpapxam, ukatsti ch'akkatanipxam, nayax janiw kuna juchsa aka jaqin jikxatkti —sasa.
kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.
¿Jumanakat khitirak juchax irkatitaspasti? Arsutaxatix chiqächisti, ¿kunatarak jan iyawsapxistasti?
Jesusasti jupanakarux sarakïnwa: —Janiw nayax ñanqha ajayun mantatäkti. Jan ukasti, lurataxampix Awkixaruw jach'achaskta; ukampis jumanakax jisk'achapxistawa.
Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,
Jupasti sarakïnwa: —Janiw nayax jupan juchararätapsa, jan juchararätapsa yatkti; nayax juykhüyätwa, jichhasti uñjtwa; ukak yatta —sasa.
Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.
Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.
Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.
Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.