Juan 8:31 - Qullan Arunaka DC

Jupar iyawsapkatayna uka judionakarux Jesusax sänwa: —Jumanakatix nayan yatichäwinakaxar jaysapxäta ukaxa, nayan chiqpach yatiqirinakaxaruw tukupxäta;

Aymar Bibliia 1986

Juparu iyawsapcatayna uca judionacarojj Jesusajj sänwa: —Jumanacatejj chekpach sayt'apjjäta cuntejj sapjjsma uqhamarjama ucqhajja, nayan chekpacha discipulonacajjaw tucupjjäta.

Qullan Arunaca

Juparu iyawsapcatayna uca judionacarojj Jesusajj sänwa: —Jumanacatejj chekpach sayt'apjjäta cuntejj sapjjsma uqhamarjama ucqhajja, nayan chekpacha discipulonacajjaw tucupjjäta.

Juan 8:31 Jak'a apnaqawi uñst'ayäwi

Mateo 24:13

Ukampis khititix tukuykam sayt'kani ukakiw qhispiyatäni.

Juan 1:47

Jesusasti Natanaelar jak'achasisinkir uñjasax sänwa: —Akaxay, chiqpach israelitaw juti, jupansti janiw kuna sallqjañas utjkiti —sasa.

Juan 2:2

Jesusampi, yatiqirinakapampisti uka jaqichasïwir jawsayatäpxarakïnwa.

Juan 6:55

Janchixasti chiqpach manq'awa, wilaxasti chiqpach umañarakiwa.

Juan 8:36

Ukhamasti, Yuqatix qhispiyasiñ churapxstamxa, chiqpachansa qhispitaw sarnaqasxapxäta.

Hechos 13:43

Sinagogan tantachasïwi tukuyxatatsti, judionakat waljaniw Pablompiru Bernabeampirux arkapxäna, judionakan iyawsäwipar kutikipstirinakas arkapxarakïnwa. Pablompi Bernabeampisti jupanakarux Diosan munasiñapan ch'aman sayt'apxañapatakiw iwxt'apxäna.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

Hechos 26:22

Ukampis Diosan yanapapampix jichhakamaw juparux jan pächasis arkaskta, Diosan arunakap jisk'arus jach'arus, taqinir yatiyasa. Janiw kunapachas yaqha arunak parlkti, jan ukasti, kunanaktix profetanakax yatiyapkäna, Moisesas yatiykarakïna qhipa urunakan phuqhasiñapäki ukanakxat yatiyarakta:

Romanos 11:22

Uñtam, Diosax kunja munasirisa, ukhamarus qhuru kankañampi uñjirirakiwa. Pantjasirinakatakix qhurünwa, jumatsti khuyapt'ayastamwa. Ukampis jumax munasiñaparjamaw jakañama; jan ukasti khuchhuqataw uñjasirakïta.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

1 Timoteo 2:15

Ukampis warmix wawanïsina, lurañanakapa phuqhasin qhispiyasini, jupatix iyawsañampi, munasiñampi, q'uma kankañampi suma amuyt'ampirak sarnaqani uka.

1 Timoteo 4:16

Juma pachpay uñjasim, mayninakar yatichatam amuyasim, ukarjam sarnaqarakim. Ukhamtix lurätaxa, qhispiyasïtawa, jumar ist'irinakas qhispiyasirakiniwa.

2 Timoteo 3:14

Ukampis jumax kuntix yatiqkta, ukat iyawskarakta ukarux jan pächasis arkam. Jumax askiw yatta khititix yatichkäyätam uka.

Hebreos 3:14

Jiwasanakax Cristompi chika katuqirïpxtanwa, jiwasatix tukuykam arkañän ukapacha, kunjämatix qalltatpach iyawsktan ukarjama.

Hebreos 8:9

Aka arust'äwisti janiw kunjämatix nayra awkinakapampi lurkäyät ukhamäkaniti, kunapachatix jupanakarux Egipto markat irpsunkta ukhama; jupanakan uka arust'äwir jan phuqhapxatap laykux nayax jaytanuktwa, siw Tatituxa.

Santiago 1:25

Ukatsipana, jumanakatix Diosan arunakap ist'apxäta, phuqhapxarakïtaxa, taqi luräwinakaman kusisitäpxäta. Diosan arupax askiwa, jumanakarusti juchat qhispiyapxtam.

1 Juan 2:19

Jupanakax jiwasanak taypit mistuwayapxi; ukampis janiw jiwasampïkänti; jiwasampïsäpan ukasti, jiwasampi chikäskasapänwa. Ukampis ukhamaw lurasiwayi, ukhamat taqpachan jan jiwasankirïtap qhanar mistuñapataki.

1 Juan 2:24

Uka layku, jumanakax qalltatpach ist'apkta uka arunak chuymanakamar imapxam; qalltatpach ist'apkta uka arunaktix chuymanakamar imapxstaxa, jumanakax ukhamarakiw Yuqampi Awkimpix mayakïpxäta.

2 Juan 1:9

Khititix Tatit Jesucriston yatichäwipat saranukki ukax, janiw Diosampïkiti; khititix yatichäwiparjam sarnaqki ukïrikiw Awkimpisa Yuqampisa.

1 Samuel 12:14

Jichhax jumanakaruw Tatitur yupaychapxañanakamax wakt'apxtam, arup ist'asa kamachinak phuqhasaraki, jumanakasa jan ukax jumanakar apnaqir reyisa Tatitun munañaparjama jakasina.