Juan 8:20 - Qullan Arunaka DC

Jesusax aka arunak Tatitun utapan yatichaskasaw arsüna, luqta uchañäki ukawjana. Ukampis janiw khitis jupar katuntkänti, pachapan janïr purinitap layku.

Aymar Bibliia 1986

Jesusajj acanac arsünwa templon yatichcasina, ofrenda cajanacajj uscutäcäna ucawjana. Ucampis janiw qhitis preso catuntañ ch'amanïpcänti horasapajj janïra purinitap laycu.

Qullan Arunaca

Jesusajj acanac arsünwa templon yatichcasina, ofrenda cajanacajj uscutäcäna ucawjana. Ucampis janiw qhitis preso catuntañ ch'amanïpcänti horasapajj janïra purinitap laycu.

Juan 8:20 Jak'a apnaqawi uñst'ayäwi

1 Crónicas 9:26

Ukampis punku uñjir pusi levitanakax jan phist'ayasaw utanakapa, Diosan utapan imat yänak uñjapxirïna.

Mateo 26:55

Ukapachaw Jesusax jaqinakar jiskt'äna: —¿Kunatarak jumanakasti mä lunthatarjam espadanakampi, lawanakampi nayar katuntir jutapxtasti? Sapürurakis Tatitun utapan jumanakar yatichasipksmaxä, ukkhay katuntapxitasamänxa.

Mateo 27:6

Sacerdotenakan jilïrinakapasti uka qullqi apthapisinxa, sapxarakïnwa: —Janiw uka qullqxa Tatitun utapan luqtat qullqinakamp chika imksnati, jan juchan jaqin wilap alatätap layku —sasa.

Marcos 12:41

Mä urusti Jesusax Tatitun utapan qunt'atäskänwa, kawkharutix qullqi uchasipxirïna uka jak'ana, ukansti kunjämtix jaqinakax qullqi churapkäna ukanak uñjäna. Walja qamirinakaw walja qullqi churapxäna.

Marcos 12:43

Ukat Jesusax yatiqirinakapar jawsasin säna: —Qhanak sapxsma, aka ijma warmiw taqinit sipan jil churi,

Lucas 20:19

Ukatsti sacerdotenakan jilïrinakapampi, kamachi yatichirinakampix ukspachaw Jesusar katuntañ munapxäna, uka uñtasïwix jupanakatakïtap amuyapxatap layku. Ukampis jaqiruw axsarapxäna.

Lucas 21:1

Jesusasti Tatitun utapankaskänwa, ukat kunjämtix qamirinakax qullqi churapkän uk uñjäna,

Juan 10:39

Jaqinakasti wasitatampiw katuntañ munapxäna, ukampis Jesusax jaltxänwa.

Juan 2:4

Jesusasti taykaparux sänwa: —Warmi, ¿kunatsa nayar uk sista? Janïraw pachaxax purinkiti —sasa.

Juan 7:14

Chika phunchhäwinkipan Jesusax Tatitun utapar mantäna, ukatsti yatichañ qalltäna.

Juan 7:30

Ukatsti katuntañ munapxäna, ukampis janiw khitis katuntirjamäkänti; jupar katuntañ pachan janïr purinitap layku.

Juan 7:44

Mayninakax katuntat apañ munapxäna, ukampis janiw khitis katuntirjamäkänti.

Juan 7:8

Jumanakax phunchhäwir sarasipkakim; nayax janiw sarkäti. Janïraw pachäkiti nayax khitïtsa uk yatipxañapataki —sasa.

Juan 8:2

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

Juan 8:59

Uk ist'asinsti, Jesusarux qalamp k'upjas jiwayañ munapxäna; ukampis Jesusax jaqinak taypiruw imantasïna, ukat Tatitun utapat mistuwayxäna.