Juan 7:17 - Qullan Arunaka DC

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Aymar Bibliia 1986

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Qullan Arunaca

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Juan 7:17 Jak'a apnaqawi uñst'ayäwi

Salmos 119:10

Taqpach chuymaxampiw thaqsma, janikiy arunakamat saraqtañax munamti.

Salmos 25:12

Tatitur waqaychir jaqirux, kawkïr thaktix sarañapäki uk uñacht'ayi;

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Proverbios 28:5

Ñanqha lurir jaqinakax chiqa kankañat janiw amuyt'apkiti, Tatitur thaqhirinakasti, taqi kun amuyt'apxi.

Proverbios 3:32

Tatitux luqhi chuyman jaqirux uñisiwa, aski jaqinakampisti sumankiwa.

Isaías 35:8

Ukansti mä thakhiw utjani, ukasti “Qullana Thakhi” satäniwa; khitinakatix jan q'umachatäpki, pisi amuyunïpkaraki ukanakax janiw uka thakhinjam sarnaqapkaniti.

Daniel (hebreo) 12:10

Waljaniw taqi kunanaktix yatiyksma ukanak t'aqhisipxani, ukampis uka t'aqhisïwi qhipat aski jaqinakäpxaniwa. Ñanqha jaqinakasti ñanqhanakap lurasipkakiniwa, kunatix utjki ukanakat jan amuyt'asa, ukampis yatiñan jaqinakax taqi akanak amuyt'apxani.

Oseas 6:3

¡Tatitur uñt'añatak ch'amacht'asipxañäni! Jupaw jiwasanakan ukar jutani, kunjämtix intix jalsunki ukhama, kunjämtix nayraqat jallunakax uraqir purxatki ukhama.

Miqueas 4:2

walja markanakaw purintanipxarakini, akham sasa: “Jutapxam, Tatitun qullupar makhatapxañäni, Jacobun Diosapan utaparu, jupaw jiwasarux thakhip uñacht'ayistani, ukhamat thakhipanjam sarnaqañasataki.” Sión qullutpach Tatitun yatichäwinakapax mistuni, Jerusalén markat arunakapas misturakini.

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Mateo 6:22

“Janchin qhanapax nayramawa; ukhamasti, nayramatix walikïskchi ukaxa, taqi janchimax sum qhantani;

Lucas 8:15

Suma laq'ar purir jathasti, khitinakatix taqi chuymamp Diosan arup ist'apki, ukarjam sarnaqapki jupanakawa, taqi ch'amamp sayt'apxatapat suma achunak churapxi.

Juan 3:21

Ukampis khitinakatix askin sarnaqapki ukanakax qhanaruw jak'achasipxi, Diosan munañaparjam lurapxatanakapan uñstañapataki.

Juan 8:43

Jumanakax janiw arsutanakax amuyt'añ munapktati, nayan arsutaxar jan ist'añ munapxatam layku.

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

Juan 8:47

Khititix Diosankirïki ukax, Diosan arunakap ist'i; ukampis jumanakax janiw Diosankirïpktati, ukatpï Diosan arup jan ist'añ munapktatixa —sasa.

Hechos 17:11

Uka markankir judionakasti Tesalónica markankir judionakat sipan juk'amp suma chuymanïpxänwa. Jupanakax taqi chuymaw suma yatiyäwi arunak isch'ukipxäna. Qillqatanaksa sapürurakiw yatxatapxäna, jupanakar yatichapki uka arunakax chiqati, janicha uk yatiñataki.