Juan 5:38 - Qullan Arunaka DC janiw arunakap katxäsipktati, Awkin khithanitapar jan iyawsapxatam layku. Aymar Bibliia 1986 Arunacapasti janiw jumanacanjj utjquiti, qhä Awquin qhitanitaparu jan iyawsapjjatam laycu. Qullan Arunaca Arunacapasti janiw jumanacanjj utjquiti, qhä Awquin qhitanitaparu jan iyawsapjjatam laycu. |
Ñanqha jaqinakat khuyapayaskäta ukasa, jupanakax janipuniw chiqapäñ yatiqapkaniti; aski jaqinakan uraqipansti sinti qhurunakaw tukupxi, janirakiw Tatitun jach'a kankañapsa yäqapkiti.
Israel marka, jumax taqi markanakan jisk'achjata, uñisitaw jikxatastaxa, jichhas uka qhuru jaqinakan t'aqhisiyatakïsktawa. Ukhamax nayan arunakax ist'am: “Juman Diosamax naya sapakïtwa; kunapachatix reyinakasa, jilïrinakas uñjapkätam ukapachaxa, juma nayraqatan alt'asipxani. Naya, Israelan Qullan Diosapaw jumarux ajllissma, arsutanakaxsti phuqharaktwa” sasa.
“Jumanakatix nayampi mayakïsipkätaxa, yatichäwinakaxarus jaysapxarakïtaxa, mayipxam kuntix munapkäta uka, ukatsti churatäpxätawa.
Nayax yattwa jumanakan Abrahaman wawanakapäpxatama, ukampis arunakaxar jan katuqapxatam laykuw jiwayañ munapxista.
Ukhamasti Tatitun arunakapax chuymanakamar phuqhantpan. Jumanakkamax taqi amuyt'a chuymampi yaticht'asipxam, iwxt'asipxarakim. Chuymanakaman Diosar yuspagaras ajay q'uchunak q'uchupxam.
Kuntix Tatitun kamachi qillqatapanxa siski ukanak amtasipunïtawa, uruy arumaw lup'irakïta, kuntix uka arunakan siski ukhamarjam phuqhañamataki. Ukhamat taqi luräwinakamax sumaru sarani.
Wawanaka, alaxpachankir Awkir uñt'apxatam laykuw jumanakar qillqanipxsma. Awkinaka, taykanaka, qalltatpach utjkän ukar uñt'apxatam laykuw jumanakar qillqanipxsma. Waynanaka, ch'aman sayt'apxatamata, Diosan arunakap chuymanakamar katuqapxatamata, Supayar atipt'apxatam laykuw jumanakar qillqanipxsma.