Uk sasinsti, Eliasax kimsa kutiw wawxar liwxattäna, ukatsti Tatituruw jach'at achikt'asirakïna: “Nayan Tatit Diosaxay, ¡aka wawarux jakañap kutt'ayxakimaya!” sasa.
Juan 5:21 - Qullan Arunaka DC Kunjämtix Awkix jiwatanakar jakañ churas jaktaykixa, ukhamarakiw Yuqapax khitinakarutix munki ukanakarux jakañ churaraki. Aymar Bibliia 1986 Cunjämtejj Awquejj jiwatanacar jactayejja, uqhamarac jacañ churi, Yokapajj qhitinacarutejj munqui ucanacarojj jacañjja churaraquiwa. Qullan Arunaca Cunjämtejj Awquejj jiwatanacar jactayejja, uqhamarac jacañ churi, Yokapajj qhitinacarutejj munqui ucanacarojj jacañjja churaraquiwa. |
Uk sasinsti, Eliasax kimsa kutiw wawxar liwxattäna, ukatsti Tatituruw jach'at achikt'asirakïna: “Nayan Tatit Diosaxay, ¡aka wawarux jakañap kutt'ayxakimaya!” sasa.
Israel marka apnaqir reyisti qillqat ullarasax, llakisiñat isip ch'iyanuqasïna, ukat sarakïna: —¿Nayasti jakañ churiri, jakañ apaqir Diosätti, jupan aka chachar lepra usupat qullañaxataki khithaniñapatakisti? ¡Sum amuyapxam, uñjapxarakim, nayatak jan walt'añ thaqhatapa! —sasa.
Ukat Jesusax sarakïna: —Nayätwa jiwatat jaktañasa, jakañasa. Nayar iyawsirix jiwkanisa, jakaskakiniwa;
Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.
Ajayuw jakañ churirixa; janchix janiw kunatakis askïkiti. Kunanaktix nayax jumanakar sapksma ukax ajayun jakañ churir arunakawa.
Jesusar jaktayki uka Ajayux jumanakan jaki, uka pachpa Cristor jaktayir Ajayux jiwir janchinakamarux machaq jakañ churani, jumanakan jakki uka Diosan Ajayup tuqi.
Qillqatan siwa: “Nayrïr chachax Adanawa, jupax jakkir jaqiw tukuwayi” sasa; ukampis qhipïr Adanasti jakañ churir ajayuw tukuwayi.
Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!