Juan 4:20 - Qullan Arunaka DC

Nayra samaritano awkinakaxax, aka Guerizim qullun Diosar yupaychapxirïna, ukampis jumanak judionakax sapxtawa “Jerusalén markaw yupaychañ chiqaxa” —sasa.

Aymar Bibliia 1986

Nayra samaritano awquinacajjajj acana, aca kollunwa Diosar yupaychapjjerïna, ucampis jumanac judionacajj sapjjtawa “Jerusalén marcawa yupaychañ chekajj” —sasa.

Qullan Arunaca

Nayra samaritano awquinacajjajj acana, aca kollunwa Diosar yupaychapjjerïna, ucampis jumanac judionacajj sapjjtawa ‘Jerusalén marcawa yupaychañ chekajj’ —sasa.

Juan 4:20 Jak'a apnaqawi uñst'ayäwi

1 Reyes 9:3

ukat sarakïna: “Nayax mayisitamsa, achikt'asitamsa ist'smawa, ukatsti nayan sutix wiñay ukankañapatak aka uta utacharapkista ukxa qullanañchtwa. Nayasti uñtanïwa, chuymaxas ukankarakiniwa.

1 Crónicas 21:26

ukatsti ukawjan Tatitutakix mä altar luräna, ukatsti nakt'äwinaka, sumankañ wilañchanak luqtäna. Ukat ukspachaw Tatitur art'äna, Tatitusti alaxpachatpach altärxarux nina apayanïna.

1 Crónicas 22:1

Ukat Davidax säna: “Tatit Diosan utapasa, Israel markan nakt'ayañ altarapas akawjankaniwa” sasa.

2 Crónicas 6:6

ukampis nayax Jerusalén markaruw ajllista ukan jakasiñaxataki, Israel markaxar apnaqañapatakisti Davidaruw ajllisirakta’ sasa.

2 Crónicas 7:12

Tatitux arumaw juparux uñstäna, ukatsti sarakïnwa: “Nayax mayisitam ist'twa, aka chiqsa nayar wilañchanak luqtañ utatakiw ajllista.

2 Crónicas 7:16

nayaw aka uta ajllista, luqtarakta, sutixan wiñayatak ukankañapataki. Nayranakaxampi, chuymaxampisti aka utankapuniniwa

Salmos 132:13

Tatituw Jerusalenarux ajllisi, ukan jakañatakiw jupax chhijllasi, akham saraki:

Salmos 78:68

Judá aylluruw ajllïna, munat Jerusalén markaparuw chhijlläna.

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Lucas 9:53

samaritanonakasti janiw katuqañ munapkänti Jerusalenar saraskatap yatisina.

Juan 4:12

Nanakan nayra Jacob awkixaw aka phuch'u jaytawayapxitu; aka pachpa phuch'ut jupasa, wawanakapasa, uywanakapas umäna. ¿Jumasti jupat sipan juk'ampïtati? —sasa.

Deuteronomio 11:29

“Tatit Diosamax kawkïr uraqtix katuntapkät uka uraqir puriyapkätam ukkhaxa, Guerizim sat qullur sarasin uka patan aski waxt'äwinak arsupxäta. Ñanqhachäwinaksti, Ebal sat qullu patanarak arsupxäta.

Deuteronomio 27:12

“Kunapachatix jumanakax taqpachani Jordán jawir makhatxapxäta ukkhaxa, Simeón, Leví, Judá, Isacar, José, Benjamín ukïr ayllunakax Guerizim qullu pataruw sayt'asipxani Israel markar aski waxt'äwi arunak arsuñataki.