Jesusasti juparux sänwa: —Qhanak sisma, maynitix wasitat jan yurkanixa, janiw Diosan qhapaq markap uñjkaspati —sasa.
Juan 3:4 - Qullan Arunaka DC Nicodemosti juparux jiskt'änwa: —¿Kunjämarak mä jaqisti chuymanïxasin wasitat yurispasti? ¿Taykapan purakapar mantasinti wasitat yurispa? —sasa. Aymar Bibliia 1986 Nicodemosti ucjjarojj jisct'araquïnwa: —Uqhamasti, ¿cunjämrac mä chachajj chuymanëjjasinjja wasitat nacispa? ¿Taycapan puracaparuti wasitat mantaspa naciñataquejja? —sasa. Qullan Arunaca Nicodemosti ucjjarojj jisct'araquïnwa: —Uqhamasti, ¿cunjämrac mä chachajj chuymanëjjasinjja wasitat nacispa? ¿Taycapan puracaparuti wasitat mantaspa naciñataquejja? —sasa. |
Jesusasti juparux sänwa: —Qhanak sisma, maynitix wasitat jan yurkanixa, janiw Diosan qhapaq markap uñjkaspati —sasa.
Jesusasti juparux sarakïnwa: —Qhanak sisma, khititix umampita Ajayumpit jan yurkanixa, Diosan qhapaq markapar janiw mantkaspati.
Jesusasti jupanakarux sänwa: —Qhanak sapxsma, jumanakatix Jaqin Yuqapan janchipat jan manq'apkäta, janirak wilapsa umapkäta ukax, janiw jakañanïpkätati.
Aka yatichäwinak ist'asinxa, Jesusan arkirinakapat waljaniw sapxäna: —Aka arunakar iyawsañax wali ch'amawa, ¿khitirak juparusti ist'aspasti? —sasa.
Criston cruzan jiwatapat yatiyäwixa, chhaqhañar sarir jaqinakatakix luqhi kankañäkaspas ukhamawa; ukampis jiwas qhispiyat jaqinakatakix aka yatiyäwix Diosan ch'amapawa.
Khititix jan Dios chuymäki ukax, janiw Diosan Ajayupankki uka yänak katuqkiti, jupatakix luqhi kankañäkaspas ukhamawa. Janirakiw amuyt'kisa, taqi ukanakax ajay tuqin taripatäñap wakisitap layku.