Juan 20:27 - Qullan Arunaka DC

Ukatsti Tomasiruw säna: —Luk'anamamp amparanakax llamkt'am, ukat uñxatarakim; ukatsti amparamamp ch'illax llamkt'am. Jan pächasimti; jan ukasti, iyawsam —sasa.

Aymar Bibliia 1986

Ucjjarusti Tomaserojj sänwa: —Luc'anamamp acaru llamct'am, amparanacajj uñjaraquim, amparam apanim ucatsti ch'illajj llamct'araquita. Iyawsam, jan pächasimti —sasa.

Qullan Arunaca

Ucjjarusti Tomaserojj sänwa: —Luc'anamamp acaru llamct'am, amparanacajj uñjaraquim, amparam apanim ucatsti ch'illajj llamct'araquita. Iyawsam, jan pächasimti —sasa.

Juan 20:27 Jak'a apnaqawi uñst'ayäwi

Salmos 78:38

Diosasti jupanakat khuyapayasïnwa, ñanqha luratanakap pampachäna, janiw jupanakarux tukjkänti; walja kutiw q'apisiñap t'akurayasïna, janiw phiñasiñapampi atipjayaskänti.

Mateo 17:17

Jesusasti sarakïnwa: —¡Pächasiri, jan wali amtani jaqinaka! ¿Kunapachkamarak jumanakampïskästi? ¿Kunapachkamarak jumanakasti ch'am tukuyapxitätasti? Akawjar uka waynar irpanipxam —sasa.

Marcos 9:19

Jesusasti jupanakarux sänwa: —¡Jan iyawsañan jaqinaka! ¿Kunapachkamas jumanakampikïskäxa? ¿Kunapachkamas jumanakax ch'am tukuyapxitäta? Irptanipxam uka waynaru —sasa.

Lucas 24:39

Uñxatapxam amparanakaxsa, kayunakaxsa, nayäskapuntwa. Llamkt'apxita, uñkatapxarakita, mä ajayux janiw janchinïkisa, janirakiw ch'akhanïkisa, ukampis nayax janiw ukhamäkti —sasa.

Lucas 24:40

Uk sasinsti Jesusax amparanakapampi kayunakapamp uñacht'ayasïna.

Lucas 9:41

Jesusasti sarakiwa: —¡Ay, jan iyawsañan jan wali jaqinaka! ¿Kunapachkamas taqi akanak uñjasax jumanakampikïskäxa? Akar uka wawam irptanim —sasa.

Juan 20:20

Ukatsti, amparapampi, ch'illapamp uñacht'ayäna. Yatiqirinakasti Tatitur uñjasin wal kusisipxäna.

Juan 20:25

Ukat maynïr yatiqirinakax Tomasirux sapxäna: —Tatituruw uñjapxta —sasa. Ukampis Tomasix sänwa: —Janitix amparanakapan clavompi p'iyjat uñjkä, luk'anaxampis uk jan llamkt'kä, ch'illaparus amparaxampi jan llamkt'karakï ukax, janiw iyawskäti —sasa.

Juan 20:28

Ukatsti Tomasix sänwa: —¡Tatituxay, Diosaxay! —sasa.

Romanos 5:20

Kamachisti, juchan juk'amp ch'amanïñapatakiw uñstäna; ukampis kunapachatix juchax juk'amp uñstxän ukkhasti, Diosax khuyapayasiñapan juk'ampirakïnwa.