Juan 20:17 - Qullan Arunaka DC Jesusasti juparux sänwa: —Jan katxäsistati, janïraw Awkixan ukar makhatkti. Ukampis jilanakaxar yatiyir saram, jupanakarusti sarakim: Nayax kawkinkkitix Awkixax ukaruw saraskta, jupasti jumanakan Awkimarakiwa, nayan Diosaxawa, jumanakan Diosamarakiwa —sasa. Aymar Bibliia 1986 Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa. Qullan Arunaca Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa. |
Ukat Eliseox Guehazí uywatapar säna: —Wakicht'asim, nayan thujrux apxarum, ukatsti kawkhankkitix wawax ukar saram. Thakhintix khitimpis jikisïta ukaxa, janiw aruntätati; jumar aruntirirusti janiw jaysätati. Purisasti, wawan ajanupxaruw nayan thujrux uchäta —sasa.
Ukampis ukatxa, jupanakkamaw parlasipxäna, akham sasa: —Janiw wal lurktanti. Jichhürux suma yatiyäwi churañ uruwa. Jiwasatix amukïñänixa, qharürkamarak suyaskañänixa, juchañchataw uñjasiñäni. Jichhpach reyin utapar yatiyir sarapxañäni —sasa.
Diosay, nayax altaramaruw jak'achasï, arpampi chikaw yuspagaräma, Diosaxay, jumaw jakañaxarux kusisiytaxa.
18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.
26 (27) Jupax nayaruw art'asitani: ‘Jumaw Awkixätaxa, Diosaxätasa, jumaw qhispiyista, arxatarakista’ sasa.
Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.
Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.
ukatsti nayra awkinakamar churata uraqin jakxapxäta, jumanakax nayan markaxäpxätawa, nayasti jumanakan Diosamarakïyäwa.
Ukatsti jupanak taypin jakxä, jupanakan Diosapäyäwa, jupanakasti nayan markaxarakïniwa.
Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.
Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.
Jank'ak sarapxam, yatiqirinakapar yatiyanipxam: ‘Jiwatanak taypit jaktxiwa, jichhasti Galilearuw jupanakat nayra saraski. Ukan Jesusarux uñjapxani’ sasa. Nayasti uk jumanakar yatiyañ munapxsma —sasa.
Jiwatanakan jaktañapatsti, ¿janit ullart'apkta Moisesan qillqatapanxa? Diosax nakhaskir ch'aphi taypit parläna: “Nayätwa Abrahaman, Isaacan, Jacobun Diosapaxa” sasa.
Jupanakar parlatap qhipatsti, Tatit Jesusax alaxpachar aptatäxänwa. Jupasti Diosan kupïxaparuw qunt'asxäna.
Jan apapxamti: qullqi wayaqa, manq'añanaka, wiskhunaka; thakhinsti janirak khitir aruntañatakis qhiparapxamti.
Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.
Awkixan utapan walja utjäwinakaw utji, jan ukhamäkaspa ukasti, nayax janiw jumanakar sapkiriskasamänti, “mä uta jumanakatak wakichiriw saraskta” sasa.
Jumanakax niyaw ist'apxista: “Sarxäwa, ukatsti jumanak laykuw kutt'anï” siri. Jumanakatix chiqpachan munasipxitasmaxa, Awkin ukar sarataxat kusisipxasmawa, jupasti nayat sipan juk'ampiwa.
Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.
Nayax Awkixan jak'apat akapachar jutañatak mistunta; jichhasti Awkixan ukar kutt'xañatakiw akapach jaytawayxta” sasa.
“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.
Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.
Jichhax Awkixay, juman jak'aman kunjäm jach'a kankañanïkäyättix janïra akapacha utjkipana, uka pachpa jach'a kankañay churxita.
Ukatsti Tomasiruw säna: —Luk'anamamp amparanakax llamkt'am, ukat uñxatarakim; ukatsti amparamamp ch'illax llamkt'am. Jan pächasimti; jan ukasti, iyawsam —sasa.
Ukatsti Jesusax sarakïnwa: —Nayasti jumanakampix mä juk'a pachakiw akankä, ukatsti khithankitu ukaruw kuttawayxä.
Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.
nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.
ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.
Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.
Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,
Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.
Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.
Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.