Juan 19:28 - Qullan Arunaka DC

Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: —Umat pharjitu —sasa.

Aymar Bibliia 1986

Ucanac pasatatsti Jesusajj yatïnwa take cunas phokhasjjatapa, ucatsti Kellkatan phokhasiñapataquejj, —Umat pharjitu —sänwa.

Qullan Arunaca

Ucanac pasatatsti Jesusajj yatïnwa take cunas phokhasjjatapa, ucatsti Kellkatan phokhasiñapataquejj, —Umat pharjitu —sänwa.

Juan 19:28 Jak'a apnaqawi uñst'ayäwi

Salmos 22:15

15 (16) mallq'axax q'ala wañkatatawa, laxraxas laka manqhan lip'katatawa, ¡jiwañ laq'ar puriyañkamaw jumax jaquntista!

Salmos 69:21

21 (22) Manq'axarusti jiwayañ qulla warantapxi, umat pharjayaskta ukkhasti, vinagre churapxitu.

Lucas 12:50

Nayraqatasti mä jach'a yant'ampi yant'atäñaxaw wakisi, ¡uk phuqhasiñapkamasti walpun t'aqhista!

Lucas 18:31

Ukatsti Jesusax yatiqirinakapar yaqhawjar irpasin säna: “Jichhax Jerusalenar sarapxañäni, kuntix profetanakax Jaqin Yuqapat qillqapkän ukanakaw phuqhasini.

Lucas 22:37

Nayasti sapxsmawa, kunatix Qillqatanakax nayat siski: ‘Ñanqha luririnakamp jakhutawa’ sasa ukax phuqhasiñapawa. Taqi kunatix nayat qillqatäki ukanakax phuqhasiñapawa —sasa.

Lucas 9:31

mä jach'a qhanan muyuntataw uñjasipxäna, jupanakasti Jerusalén markan Jesusan jiwañapxata, jaktañapxata, alaxpachar sarxañapat parlapxäna.

Juan 13:1

Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 17:4

“Nayax aka uraqin jach'añchsmawa, kuntix lurañ churkista uk tukuyaraktwa.

Juan 18:4

Jesusasti kunatix jupampi lurasiñapäkän uk yatïnwa, ukat mistunisin jupanakar jiskt'äna: —¿Khitirus thaqhapxta? —sasa.

Juan 19:24

soldadonakasti jupanak puraw sasipxäna: —Jan ch'iyjkañäniti, jan ukasti suerte jaqtañäni, ukhamat yatiñäni khitirus wakt'ani uka —sasa. Ukasti Qillqatan phuqhasiñapatakiw ukham lurasiskäna: “Isixsti jupanakkamaw lakjasipxäna, patar uchasiñ isixsa suertet jaqtapxarakïna” sasa. Soldadonakax ukham lurapxäna.

Juan 19:30

Jesusasti uka k'allk'u vino mallt'äna, ukatsti sänwa: —Taqi kunaw phuqhata —sasa. Ukatsti p'iqip alt'asin jiwawayxäna.

Juan 19:36

Akanakax Qillqatan phuqhasiñapatakiw lurasïna: “Janiw kayu ch'akhapsa p'akjapkaniti” sasa.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Hechos 13:29

Ukatsti taqi kunatix Qillqatanakan Jesusxat siskän ukanak phuqhasxipanxa, cruzat jupar apaqasin amay p'amp'añ chiqaruw imt'xapxäna.